Read lubukusu Chiny. 65 Bible Online

Chiny. 65 - lubukusu bible

Chiny. 65

¹Lulwimbo lwa Daudi Ee Wele, okhoya onyoole efuma mu Sayuni, ne koosi ke ndakaano khwiwe kalikholwa.

²Yee ewe Wele oulilanga lisaba liefwe! Babaandu boosi baliicha khwiwe,

³khulwe bubwoni bwabwe. Bubwoni bwefwe ne bukhuminyile efwe, ewe okhubeelanga.[35]

⁴Bali ne khabi abo nibo orobora, nibo oreera khumenya abuundu wowo atakatifu. Efwe khulinyalikha ne bulayi bwe nju yowo, bulayi bwe Lukaangu lwowo lutakatifu!

⁵Ewe okhuyeeta nga efwe khulwe khu khuelesia efwe bukhili, lundi okhola nga bikholwa bie khuukia khu khusikula efwe. Babaandu khu sibala sioosi, nende baali engelekha we chinyanja aleeyi bakhweyikina ewe.

⁶Wamwene waloonga bikulu khu maani kowo, ne khukhwekesia bunyali bwowo.

⁷Ewe owoleelesianga chinyanja chioloola, ne bibuli biyokela, owoleelesianga babaandu be sisiayuumba.

⁸Babaandu be mu sibala boosi bauka lukali, khulwe bikholwa bie khuukia nibio okholile.

⁹Ewe oliindanga sibala mu khureera efula, osiraamo engakha engali.

¹⁰Oreeranga efula engali mu mikuunda, ne khuchukhamo kameechi kamakali, ewe oolaosianga liloba khulwe fula, lundi okila bimelwa bitoro bikhula.

¹¹Ewe oanaanga likesa likali lie kumwiiko, buli abuundu niio ocha bibiaamo bikali bibao.

¹²Kamayilwe ke mu sichiimi kanerire, ekhoyo yechuule mu ngulu,

¹³chikeewa chechuule kiminyele kie bibiaayo, kamatooma kechuule bibiaamo, biyokela ne khukhwimbila alala nga babaandu khulwe khoyo.