Read lubukusu Chiny. 70 Bible Online

Chiny. 70 - lubukusu bible

Chiny. 70

¹Lulwimbo lwa Daudi, Lisooma Ee Wele, siima khu khusikula ese! Ee Wele Omunyali Owa Bioosi, yuuya khu khunjeeta ese!

²Lekha abo bakhaka khu khunjira ese baulwe lundi bakoyaane. Lekha abo baali ne busangaafu sikila butinyu bwase, batimanisibwe lundi bachangalaasibwe.

³Lekha abo babanjekhelela ese, baambwe chisoni khulwe khuulwa khwabwe.

⁴Lekha abo boosi bakhusaaya ewe, bekhoye ne khusangaalila mwiwe. Lekha abo babasiima buonia, balome buli lwoosi bali, “Wele Omukali!”

⁵Ne kakhali ese ndi omutaambi lundi omubanani, ee Wele, yuuya khu khunjeeta ese! Ewe oli buyeeti bwase lundi omuonia wase, ee Wele Omunyali Owa Bioosi, okhakhiinda tawe!