Read lubukusu Chiny. 76 Bible Online

Chiny. 76 - lubukusu bible

Chiny. 76

¹Lulwimbo lwa Asafu Wele amanyikhana mu Yuda, aebwa luyali mu Isiraeli.

²Amenyile mu Yerusalemu, amenyile khu Sikulu sia Sayuni.

³Afuniakakila ebweeneyo buembo bwo musiku, afuniakaka chingabo ne kamapango kabwe, ng'ali afuniakaka bulwaani bwabwe bwoosi.

⁴Ewe oli ne luyali, oli ne lukoosi lukhila lwe bikulu bia buli lwoosi.

⁵Banamae babwe banyindaafu, bamulilwe buli siindu nisio babeele nasio, mala luno bali mwilo lie lifwa, kamaani ne bukesi bwabwe bwoosi, se bwabayeetakho siindu tawe.

⁶Ee Wele owa Yakobo, nga wabarafwira, chifarasi nende bachitimia bakwa bafwa.

⁷Ne kakhali omwami Wele babaandu boosi bakhuria ewe. Se aliio onyala eema niio oli noli ne lirima tawe.

⁸Ewe wakhola bukhalaki bwowo bwamanyikhana noli mwikulu, sibala siaba ne buuri mala siasila,

⁹nga warakikha khubisia bukhalaki, khuonia babaapisibwa siibi mu sibala boosi.

¹⁰Ng'ali lirima lie babaandu liba efuma engali khwiwe Wele, abo bakhafwila mwiie tawe balikhukholela ewe chinaikara.

¹¹Kholela Wele Omunyali Owa Bioosi, Wele wenywe niko mwelakana khu niye, enywe chikholo chili embi mweesi, reerera Wele Omunyali Owa Bioosi biianwa. Wele akholanga babaandu ne bamuria niye,

¹²niye eeranga baruki, ne khuriisia babaami be bunyali.