Read lubukusu Chiny. 81 Bible Online

Chiny. 81 - lubukusu bible

Chiny. 81

¹Lulwimbo lwa Asafu Yimbila Wele omuliindi wefwe khulwe khoyo, yimba efuma khu Wele owa Yakobo!

²Yimba lulwimbo ne khu khupa chitamburini, khupa kamatuungu ne biilili bulayi.

³ Khupa ekhoombi eye naikara, kumwesi ne kubalukha lundi ne kuangaale.

⁴Lino lili lilaka mu Isiraeli, lilaka khukhwama khu Wele owa Yakobo.

⁵Aelesia lilaka lino khu baandu ba Isiraeli nga aaba ne ebwaakala sibala sia Misiri.

⁶“Narusia busiro khu mabeka kenywe, ne khubarusia enywe khu milimo kimiandalafu.

⁷ Nga mwaba mu butinyu, mwasaba ese mala namusikula enywe. Namukhaka enywe asebele cha Meriba.

⁸Baandu base, ulila engaani yase, Isiraeli, nenya muulile kakaase!

⁹ Mukhaba ne bawele babaandi tawe, mukhenanilakho wele okundi tawe.

¹⁰Ese ndi Wele Omunyali Owa Bioosi, Wele wenywe, owabarusia enywe e Misiri, yasama, ne ndaliisia enywe,

¹¹“Ne kakhali babaandu base se baulila kakaase tawe, Isiraeli se baba barekerefu khwise tawe.

¹²Khwako nabalekha bachiililila khukhola sileka, ne khukhola kosi kosi niko benya.

¹³Nenya babaandu base baulile kakaase, nenya babe barekerefu khwise!

¹⁴Nakhaulile khangu basiku babwe, ne khuukuuma basiku babwe boosi.

¹⁵Abo bambiila balinjinamila ese, siiukuumo siabwe siliba sia buli lwoosi.

¹⁶Ne kakhali nakhamuliisiisie enywe ne ngaanu endayi mu choosi, nakhamwikuusie enywe ne bubuukhi bwe mu lwanda.”