Read lubukusu Chiny. 85 Bible Online

Chiny. 85 - lubukusu bible

Chiny. 85

¹Lulwimbo lwe babaana ba Kora Wele Omunyali Owa Bioosi, wabeele ne siisa khu sibala siowo, waindiaaasia Isiraeli lundi.

²Ewe wabeela babaandu bowo bubwoni bwabwe, ne khubarusiakho bumayaanu bwabwe bwoosi.

³Ewe walekha khubakhalalila, wakayila lirima liowo likali.

⁴Ee Wele omuonia wefwe, khukhole efwe khube lundi nga khwaba, mala olekhe khu khubonela efwe bubi!

⁵Olakhuambila efwe lirima buli lwoosi? Lirima liowo se liliwa tawe?

⁶Khukhole khube ne kamaani lundi, ne efwe, babaandu bowo khulakhufumia ewe.

⁷Ee Wele Omunyali Owa Bioosi, khwekesie busiime bwowo bukhawa tawe, ne khu khuelesia efwe buonia bwowo.

⁸Ndikho ndekeeresia niko Wele Omunyali Owa Bioosi aloma, alikho alakiilisia kumuleembe khwifwe, babaandu bewe omwene, aaba bali se khukalukhila bumayaanu bwefwe tawe.

⁹Ng'ali buonia bwewe bwoleele abo bamuria niye, nio luyali lube mu sibala siefwe.

¹⁰Busiime bukhawa tawe ne bubweyikinwa biliakaanana, buluungi ne kumuleembe biliekwayilana.

¹¹Busuubilifu bwo mundu buliama khu sibala buniine mu ngaaki, ne buluungi bwa Wele buliama mwikulu bwiikhe asi.

¹²Wele Omunyali Owa Bioosi alikhola efwe khuindiaale, ne kamaloba kefwe kalibaamo bibiaamo bikali.

¹³Buluungi buliba ebweeni wa Wele Omunyali Owa Bioosi, ne bumurekekhera engila.