Read lubukusu Chiny. 90 Bible Online

Chiny. 90 - lubukusu bible

Chiny. 90

¹Lisaba lia Musa, omundu owa Wele Omwami, ewe wabeele bumenyo bwefwe, mu selukho choosi.

²Ne okhabaang'ana chingulu nwamwe waraao sibala tawe, ewe waba Wele khukhwama mindali, lundi oliba Wele buli lwoosi.

³Ewe oboolela omundu ekaluukhasie abe nga aaba, omukaluukhasia naaba lipukhuulu lundi.

⁴ Kimiiko eelefu khwiwe kili nga endaalo ndala, kili nga likolooba libirire khale, nga siise sikeekhe mu silo.

⁵Ewe orusiangao babaandu, bali nga kamarooro, bali nga bunyaasi businina mu mutikhinyi,

⁶mu mutikhinyi, bumela ne khu khula, ekolooba buniala ne khukhwooma.

⁷Lirima liowo likhubunia efwe, burafu bwowo bukhuriisia efwe.

⁸Wareere bubwoni bwefwe ebweeni wowo, wareere bubwoni bwefwe bwe mu bwikisi abuundu niio obubona.

⁹Bulamu bwefwe buwa khangu khulwe lirima liowo, buwao khangu nga kumuuya.

¹⁰Khuli ne kimiiko kamakhumi saba kong'ene, ne kaaba bali khuli ne kamaani, kimiiko kamakhumi munaane, kakhaba kario, kikhureerera efwe butinyu ne bubeeleli bwong'ene, bulamu buwa khangu, ne se khubao tawe.

¹¹Naanu niye bunyali bwe lirima liowo bwabaakho? Naanu omanyile buuri nibwo bukhalafu bwowo bunyala bwareera?

¹²Khwekesie bubwimbi bwe bulamu bwefwe, nio khube ne limanya.

¹³Lirima liowo lilachiililila khukhwola siise siina? Ee Wele Omunyali Owa Bioosi, kholela siisa bakholi bowo!

¹⁴Khwikisie efwe mu mutikhinyi ne busiime bwowo bukhawa tawe, nio khwekhoye ne khusangaala chindaalo chefwe choosi.

¹⁵Nono khuelesie chindaalo che busangaafu chingali chicholaana, ne bubeeleli nibwo ewe wakhuelesia mu miiko kioosi kie butinyu bwefwe.

¹⁶Lekha bikholwa biowo bibibonekhele bakholi bowo, ne bunyali bwowo bwe luyali khu baana babwe.

¹⁷Lekha kumwalaalo kwa Wele Omunyali Owa Bioosi Wele wefwe kube khwifwe, mala okhunyalile kimilimo kie kamakhono kefwe, ng'ali, okhunyalile kimilimo kie kamakhono kefwe.