Read lubukusu Chiny. 91 Bible Online

Chiny. 91 - lubukusu bible

Chiny. 91

¹Oyo owilukhila mu Wele owe Angaaki Lukali khulwe buliindi, oyo orama mu buliindi bwo munyali owa bioosi,

²anyala aboolela Wele ali, “Ewe oli bubwilukhilo ne buliindi bwase. Ewe oli Wele wase, ese khweyikina ewe.”

³Alakhusikula ewe khukhwama mu mireko kikhabonekha tawe, ne bulwaale bubwiira.

⁴Alakhubiimba ewe ne chindaa chewe, olanyoola buliindi khukhwama khu niye, busuubilifu bwewe bulakhuteecha ne khu khuliinda ewe.

⁵Okhenaana khuria kimireko kiosi kiosi siilo, namwe kamatinyu kakhukwakho kumuusi,

⁶namwe lufu lurakikha mu siilima, namwe bubi bubwira kumuusi tawe.

⁷Babaandu eelefu ndala bakhakwa alubafu lwowo, chielefu ekhumi bakhakwa kumukhono, kwowo kumuseecha, butinyu se bukhakhwolele ewe tawe.

⁸Olilola mala obone nga babooni baukuumwa.

⁹Ewe wakholile Wele bubwilukhilo bwowo[53], owe Angaaki Lukali khuba omuliindi wowo.

¹⁰Khwako butinyu bwosi bwosi se bulikwa khwiwe tawe, sisiayuumba se siliba embi niio omenyile tawe.

¹¹ Sikila Wele akhakhure ewe mu buliindi bwe bamalaika bewe, khu khuliinda ewe buli niyo ewe ocha.

¹² Balikhumeema ewe angaaki mu makhono kabwe, okhakhola orio wetuya khwibaale tawe.

¹³ Okhaswalakilila chitalang'i ne chindemu, okhatubuundule chitalang'i ne kimiremu.

¹⁴Wele aloma ali, “Ndaonia abo babasiima ese, ne khuliinda bamanya bali ese ndi Wele Omunyali Owa Bioosi.

¹⁵Ne basaba, ese khabayeete, ese khabe nabo ne bali mu butinyu. Khabasikule ne khubaelesia lukoosi.

¹⁶Ndibaelesia kumuruuru kwe khumenya lukali, ndibaonia.”