Read lubukusu Chiny. 95 Bible Online

Chiny. 95 - lubukusu bible

Chiny. 95

¹Yiicha, lekha khwimbile Wele Omunyali Owa Bioosi! Lekha khukhole luyoka lwe khoyo khuyo ooli lulwanda lwe buonia bwefwe!

²Lekha khuche niio ali khumupila orio, ne khwimba chinyimbo che khoyo mu khufumia.

³Sikila Wele Omunyali Owa Bioosi ali Wele owe bunyali, Omwami owe bunyali khu bawele boosi.

⁴Arukanga sibala sioosi, khukhwama asi mu mabina khukhwola khu ngulu chindeeyi lukali.

⁵Aruka enyanja niyo aaloonga, sibala siosi, nisio niye omwene aaloonga.

⁶Yiicha, lekha khwumwinamile ne khumusaaya niye, lekha khusikame ebweeni wa Wele Omunyali Owa Bioosi, owakhubuumba efwe!

⁷ Sikila ali Wele wefwe, ne efwe khuli babaandu nibo aliindanga, lundi khuli busa nga kamakheese ne niye omwaayi, luno ulila niko aloma,

⁸ “Mukhaba ne sileka nga bakuuka benywe baaba ne bali e Meriba tawe, nga khu ndaalo eyo ne bali Masa mu siangalaamwe tawe.

⁹Ebweeneyo, bakhaka ese ne khu khungela, akhaba ne baba ne baboone niko nabakholela.

¹⁰Nasinyikhwa ne babaandu abo khu miiko kamakhumi kane. Naloma ndi, ‘Bali ne sileka lukali! Baloba khuloonda kamalaka kase.’

¹¹ Naambwa lirima mala nechuba ndi, ‘Se mulicha mu sibala nisio andi, ndibaeleseliamo enywe sie siuluukho tawe.’ ”