Read lubukusu Chis. 2 Bible Online

Chis. 2 - lubukusu bible

Chis. 2

¹Mwana wase, kaaba bali ofukiilila kamakhuwa kase, mala obiikhe kamalaka kase mwiwe,

²Oreke liiru liowo khuulila limanya, mala okhole kumwoyo kwowo kube ne limanya.

³Waaba ne osaba onyoole bukesi, mala osabe lukali onyoole limanya,

⁴waaba ne obuyiima nga oyiima efwesa, lundi obuyiime nga oyiima kimiaandu kikiekisia,

⁵aba olamanya khuria Wele Omunyali Owa Bioosi, mala onyoole limanya lia Wele.

⁶Sikila Wele Omunyali Owa Bioosi aana bukesi, ne khukhwama khu niye biamayo limanya ne liiulila,

⁷abiikha bukesi bulayi khulwabo baali baluungi, ali engabo khwaabo baali balayi,

⁸aliindanga chingila cha ng'ali, lundi aliindanga abo baali batakatifu bewe.

⁹Nio olamanya buluungi ne bung'ali, bulekhaani ne ngila endayi,

¹⁰sikila bukesi bulingila mu mwoyo kwowo, ne limanya lilikhusiimisia,

¹¹likanakana lilayi lilikhuliinda, ne limanya liosi lilikhuliinda,

¹²lilikhusikula ewe khukhwama mu ngila chimayaanu, khukhwama khu baandu be chilomo chimbi,

¹³balekha chingila chinuungi, nio bakeende mu siilima,

¹⁴babekhoya mu khukhola kamamayaanu, lundi basiima sifwaabi,

¹⁵babaandu be chingila chimbi, lundi bamayaanu.

¹⁶Olisikulwa khukhwama khu mukhasi omueeyani, omutamba okhuombelesia ne kamakhuwa kamalayi,

¹⁷alekha omuseecha niye abeelakho nasiili mukhaana, mala ebilila endakaano niyo akhola ebweeni wa Wele wewe,

¹⁸sikila enju yewe echa mu lifwa, ne chingila chewe chiicha emakoombe,

¹⁹bacha khu mukhasi oyo se bakobolanga tawe, namwe se banyoolanga lundi chingila che bulamu tawe.

²⁰Nio olikeenda mu ngila che babaandu balayi, lundi okeende mu ngila che baluungi.

²¹Sikila baluungi balimenya mu sibala, ne babaandu balayi baliramamo,

²²ne kakhali bamayaanu balirusibwa mu sibala, ne babacha balinyosebwamo.