Read lubukusu Chis. 9 Bible Online

Chis. 9 - lubukusu bible

Chis. 9

¹Bukesi bwombaakhe enju yabwo, bwemiisie chinjeko chabwo saba.

²Bwerire chisaang'i chabwo, bwatubaniisie endali yabwo, lundi bwalile sisialwa siabwo.

³Bwarumire bakholi babwo be siikhasi, balaangilile abuundu angaaki lukali mu lukoba,

⁴“Yesi yesi oli omusilu, lekha eche ano!” Khuyo okhali ne bukesi bulayi tawe, bukesi buloma buli,

⁵“Yiicha olie khu siakhulia siase, mala onywe khu ndali niyo ndubaaniisie.

⁶Lekhana ne busilu, mala omenye, ne keenda mungila che liiulila.”

⁷Oyo okololosia owe sienya meno akhomwa, oyo orafwira omumayaanu aumisibwa.

⁸Okhakololosia owe sienya meno tawe, alikhubiila, rafwira omundu omukesi ne alikhusiima.

⁹Elesia kamekisio khu mundu omukesi, ne aliba omukesi lundi, yekisia omundu omuluungi, ne alitasa khu mekisio kewe.

¹⁰ Liria lia Wele Omunyali Owa Bioosi, lili lirakikha lie khuba ne bukesi, ne khumanya Omutakatifu, khuli bukesi bulayi.

¹¹Khubirira khwise chindaalo chowo chiliitasikha, ne kimiiko kilitasikha khu bulamu bwowo.

¹²Waaba ne oli omukesi oli omukesi khulwowo wamwene, ne waaba ne olekelesia okhanyoole butinyu wamwene.

¹³Omukhasi omusilu ali omuyoka, ali omusilu lundi se ali ne chisoni tawe.

¹⁴Ekhala a muliango kwe enju yewe, ekhala khu ndebe abuundu angaaki mu lukoba,

¹⁵alaanga abo babira siimbi, baalikho baacha khu ngila chabwe naloma ali,

¹⁶“Oyo oli omusilu lekha eche ano!” Ne oyo okhali ne enganakani endayi tawe aloma ali,

¹⁷“Kameechi kakebiilwe kali kamanulu ne siakhulia siliibwa mu bwikisi sisiimisia.”

¹⁸Ne kakhali se amanya ali bafu baliyo tawe, se amanya ali bakeni bo mukhasi oyo bali Emakoombe tawe.