Read lubukusu Kumw. 1 Bible Online

Kumw. 1 - lubukusu bible

Kumw. 1

¹ Kumwenya kumulayi mu mienya kia Solomoni.

²Ee, khaba wanjekhoyela ne khukhunuuna emunwa! Sikila busiime bwowo bukhila endali.

³Kamafura kowo ke khukhwiakha kaunya bulayi, lisina liowo lili nga kamafura kamalayi, khwako bakhaana bakhusiima.

⁴Mbukule, khurekukhe khangu. Omwami ambilile mu lusiro lwewe, khulasangaala ne khukhwikhoya sikila ewe, khulafumia busiime bwowo khukhila endali, kano niko kakila bakhasi ne bakhusiima.

⁵Ee, bakhaana be mu Yerusalemu, Ese ndi omumali ti, ne kakhali ndi ne lukoondo lulayi, nga kamaeema ka Kedari, nga chingubo che mu lichipi lia Solomoni.

⁶Mukhandekelesia sikila ndi omumali tawe, sikila kumuumu kwanjosia. Bawandaayase basoleeli bambambila lirima, bakhola naba omuliindi owe kimikuunda kie kimisabibu, ne kakhali se nang'oona kumukuunda kwase kwe kimisabibu tawe!

⁷Musiime mboolele, olaya waena kamakheese kowo? Kalaolela waena mwiangilwe? Siina sikila ese njiyayiiye ne khuyiima, mu minyele kie kamakheese ke babaayi basio?

⁸Mukelema wase somanyileyo tawe, cha loonda lung'afuulo lwe kiminyele kie kamakheese, cha waaye chimbusi echo siimbi a maeema ke babaayi.

⁹Ewe musiime wase, osiimisianga baseecha, nga efarasi ekhasi ne siimisia chifarasi cha Farao chiseecha.

¹⁰Chisaya chowo chili chisangasia nende bie khukhwesaa, lundi likosi liowo liilimo chisiinga che kamamili.

¹¹Khulakhung'oonela bie khukhwesaa bie esahabu bibiareebwamo efwesa.

¹²Nga omwami aba nakonile khu sitanda siewe, kamafura kase kamuunyila bulayi.

¹³Omusiime wase ambunyila bulayi, nga nakona akari we kamaturu kase.

¹⁴Omusiime wase ali nga bimuli bie kamauwa kalaangwa hina ne kamuliikhe, mu mikuunda kie kimisabibu kiili Engedi.

¹⁵Omusiime wase ewe oli ne lukoondo lulayi, lola, ewe oli owe lukoondo lulayi, omoka bulayi nga liuusi.

¹⁶Musiime wase lola, ewe oli we lukoondo lulayi, ng'ali oli omulayi elala, Sitanda siefwe sili sie lubookha.

¹⁷Kimitarakwa kili chinguulo che nju yefwe, chikheti chefwe chili chisubasubi.