Read lubukusu Kumw. 6 Bible Online

Kumw. 6 - lubukusu bible

Kumw. 6

¹Ewe owe lukoondo lulayi mu bakhasi, omusiime wowo achile waena? Khuboolele achilile khuli? Nio khuche nawe khumuyiime.

²Omusiime wase achile e siluundu siewe, niio bing'aa bulayi bikhula khukhwaya kamakheese kewe mu biluundu, ne khubuusia bimuli.

³Ese ndi owo musiime wase, ne naye ali owase aaya kamakheese kewe mu bimuli.

⁴Musiime wase, oli ne lukoondo lulayi nga lukoba lwa Tirisa. Osiimisia nga Yerusalemu, busiime bwowo buli bwe kamaani nga banamae be chipendera.

⁵Okhandoleelela tawe, sikila chimoni chowo chimbelesia liaayaaya. Lichuune liowo likhinakhina nga lituuli lie chimbusi, chichiikha khu miikha kia Kileati.

⁶Kameeno kowo kali kamawaanga nga chinyaange, chichesiingile, mbao etibile akhaba ndala tawe, choosi chifwaanana.

⁷Chisaya chowo mu lububi lwowo chili nga chimbabia che lituunda likomanga.

⁸Lekha omwami abe ne bakhaye kamakhumi sita, ne bakhasi be khumenyia busa nga basaale kamakhumi munaane, ne bakhaana bakhabalikha tawe.

⁹Ne kakhali ese nasiima omukhasi mulala yeng'ene, oli omuolu nga liuusi. Ali omuteelwa mu mwabwe, niye maawe asiima khukhila babaandi. Bakhasi boosi bamubona mala bamufumia ba mukho mwami ne bakhasi nibo bamenyia busa nga basaale, bamufumia.

¹⁰“Naanu obonekha bulayi oyo nga enyanga ne soa? Ali ne lukoondo lulayi lundi omumiliiu, akhosia oli enyanga namwe kumwesi.”[3]

¹¹Nacha mu mukuunda kwe chimbande, khulola bimuli bie mwitooma, khubona kimisabibu ne kiamile khulola kimirongooro kimikomanga kimuliikhe.

¹²Ne siili khumanya tawe, omusiime wase anda mwikaari lio mukhoongo.

¹³Kobola, kobola[4], mukhaana mu Sulamu. Kobola, kobola khukhuloleelele. Sikila siina ne mwenya khu khundoleelela ese Omusulami nga mulikho ne muloleelela bukhino bwe banamae babili?