Read lubukusu Isa. 20 Bible Online

Isa. 20 - lubukusu bible

Isa. 20

¹Khu malaka ka Sarikoni omwami owa Ashuru, omukhulu we banamae ba Ashuru, ebwaakala lukoba luboofu lwe Bafilisiti Ashitoti.

²Mu siise esio Wele Omunyali Owa Bioosi alomaloma khubirira khu mung'oosi Isaya okhwa Amozi, naloma ali, “Cha, wefuule engubo eye kamakunia munda mwowo, ne biraaro,” mala akhola ario, akeenda sichula lundi mu bikele busa.

³Nio Wele Omunyali Owa Bioosi aloma ali, “Nga omukholi wase Isaya nakeendile sichula lundi biraaro mu bikele tawe khu miiko kitaru sino sili nga simanyisio kakhekholekhe khu Misiri ne Esopia.

⁴Nono omwami owa Ashuru alirangirira baambe ba Misiri ne ba Esopia bali mu mbaambe, baele sitube ne bakhulu, bakhakeende sichula lundi mu bikele busa, ne kamatakho kabwe sichula, khuambia Misiri chisoni.

⁵Nio babeyikina Kushi ne khukhwibonia sikila Misiri bakhakoyaane ne lilieyikina liabwe likhonakibwe.

⁶Ne bamenywa be khu nyanja yino endaalo eyo baliloma bali, ‘Lola kano kekholekhe khwaabo nibo khweyikina ne naabo nibo khwelukhilayo khunyoola buyeeti ne khuona khukhwama khu mwami owa Ashuru! Nono efwe, khulaonela waena?’ ”