Read lubukusu Isa. 38 Bible Online

Isa. 38 - lubukusu bible

Isa. 38

¹Mu ndaalo echo omwami Hesekia alwala enga khufwa. Omung'oosi Isaya okhwa Amosi acha khumubona, mala amuboolela ali, “Wele Omunyali Owa Bioosi aloma ali, ng'oona ke enju yowo, sikila olafwa solaona tawe.”

²Nio Hesekia ayuukha alola siesiisi mala asaba Wele Omunyali Owa Bioosi ali,

³“Wele Omunyali Owa Bioosi khebulila oli ese nakhukholeele ewe kimilimo mu busuubili ne buriaani bukali, mala buli lwosi ese nakhakilenge khukhola niko ewe wenya ese khole.” Mala alila lukali.

⁴Nio Wele Omunyali Owa Bioosi aruma Isaya

⁵akobole khu Hesekia mala amuboleele ali, “Ese Wele Omunyali Owa Bioosi, Wele owa kukaao Daudi nauliile lisaba liowo lundi naboone kamasika kowo, ndakhulekha omenye kimiiko kikiindi ekhumi na kiraano.

⁶Ese ndakhuonia ewe ne lukoba luboofu lwa Yerusalemu luno khukhwama khu mwami owa Ashuru, mala ndachiililila khuliinda lukoba luboofu luno.”[3]

²¹Isaya aboolela omwami afuluke sifuluko sie chinduli, asire khu libiimba mala alaona.

²²Nio omwami Hesekia areeba Isaya ali, “Simanyisio sina sisiekesia sili ese khanyale khucha mu Lukaangu?” Isaya akobosia ali, “Wele Omunyali Owa Bioosi alakhuelesia simanyisio khukhwekesia ali alakhola lilakiilisia liewe. Khu sifwaani sie khukelekelakho bibiindu sisiombakhwa no mwami Ahasi, Wele Omunyali Owa Bioosi alakhola sisiniini sikobole enyuma bikele ekhumi, ne sisiniini siakobola enyuma bikele ekhumi.” Hesekia naonile, aandika kumwenya kwe khufumia kuno, nebaasia ndi mu ndaalo chindayi che bulamu ndikho nja emakoombe, se ndiba omulamu lundi tawe. Naloma ndi se khabone Wele Omunyali Owa Bioosi tawe, mu sibala sie balamu, se khabonekho omundu lundi, mu baandu be mu sibala tawe. Niio emenyile asambuulwe arusiibweo khwise, nga liiema lio mwaayi. Nafumbile bulamu bwase nga omunabi, Nebaasia ndi Wele akaamisie bulamu bwase. Silo sioosi nalilila mu buchuuni, oli etalang'i nelikho yimbepena bikuumba. Neba(...)