Read lubukusu Isa. 39 Bible Online

Isa. 39 - lubukusu bible

Isa. 39

¹Mu siise esio, omwami owa Babiloni Merodaki-baladani okhwa Baladani aulila bali omwami Hesekia abeele omulwale, nio amurumira ebarwa ne siianwa.

²Hesekia akanila barumwa mala abekesia buiinda bwewe, efwesa, ne sahabu, biiunya bulayi bie khura mu biakhulia kamafura kaunya bulayi, ne bibioki bie banamae bewe bioosi se siabao sisiindu mu libiikhilo namwe abuundu osi osi mu bwami bwewe nisio akhabekesia tawe.

³Nio omung'oosi Isaya acha khu mwami Hesekia mala amureeba ali, “Babaandu bano bamile waena, ne bakhubooleele siina?” Hesekia akobosia ali, “Bamile mu sibala sie aleeyi lukali, sia Babiloni.”

⁴Babone sina mu lichipi liowo? Akobosia ali, “Babone buli siindu. Se siliio sisiindu mu libiikhilo nisio khabekeesie tawe.”

⁵Nio Isaya aboolela Omwami ali, “Wele Omunyali Owa Bioosi aboola ali

⁶siise silikho sicha nisio buli sisiindu mu lichipi, buli siindu nisio bakukaao babiikha khukhwola khu ndaalo yino, silibukulwa siyilwe e Babiloni. Se siliio silirama tawe.

⁷ Balala khu be lisaaye liowo liliene balibukulwa bayilwe aleeyi mala babalate babe bachili khulwe khukhola kimilimo mu lichipi lio mwami owa Babiloni.”

⁸Nga omwami Hesekia ne aulila kano akanakana ali kumuleembe ne buliindi bilibao mu siise sie bulamu bwewe, nio akobosia ali, “Burume nibwo wama khumboolela khukhwama khu Wele Omunyali Owa Bioosi buli bulayi.”