Read lubukusu Yer. 24 Bible Online

Yer. 24 - lubukusu bible

Yer. 24

¹ Enyuma wa Nebukadinesa omwami owa Babiloni nayilile Yehoyakini okhwa Yehoyakimu omwami owa Yuda mu mbaambe e Babiloni khukhwama Yerusalemu. Ayila Yehoyakini alala ne babemeelesi ba Yuda, babeechi, ne babasi. Enyuma wako, Wele Omunyali Owa Bioosi ekesia Yeremia kamalola kano: Lola bikono bibili biilimo chinduli bili ebweeni we Lukaangu lwa Wele Omunyali Owa Bioosi.

²Sikono silala siaba siechuule chinduli chindayi lukali, nga chinduli chibechanga che khunyoa khuroba, ne sikono sisiindi siaba siechuule chinduli chiimbi lukali, nicho omundu akhanyala alia tawe.

³Ne Wele Omunyali Owa Bioosi areeba Yeremia ali, “Waboone siina?” Yeremia akobosia ali, “Chinduli chindayi lukali ne chinduli chimbi lukali nicho omundu akhanyala alia tawe.”

⁴Nio Wele Omunyali Owa Bioosi aboolela Yeremia ali,

⁵“Ese Wele Omunyali Owa Bioosi, Wele owa Isiraeli mboola ndi, bulayi bwene nga chinduli chindayi chino, ese ndebaasilia ndio bulayi baboe babatiilwa khukhwama Yuda, nibo ese naoona barura ano bacha mu sibala sie Bakalidayo.

⁶Ndabaloleelesia mbakholeele bulayi mala khabakobosie mu sibala sino. Khabombakhe ne se khabakwisie tawe, khabemekhe ne se khabarusieo tawe.

⁷Ese khabaelesie kumwoyo kwe khumanya kuli ese ndi Wele Omunyali Owa Bioosi ne nibo baliba babaandu base ne ese ndiba Wele wabwe, sikila balingobolela ne kumwoyo kwabwe kwoosi.

⁸“Ne kakhali ese Wele Omunyali Owa Bioosi ndoma ndi, bulayi bwene nga chinduli chimbi lukali nicho omundu akhanyala alia tawe. Sesi nja khukholela ndio Sedekia omwami owa Yuda, babemeelesi, babaandu babarama Yerusalemu, ba baamenya mu sibala sino, ne nabo bamenyile mu sibala sia Misiri.

⁹Ese nja khubakhola babe babi khu bwami bwe sibala sioosi. Balaba be khulekwa, bachekhelelwa ne khukhomwa lundi be silaamo buli abuundu niio ndibaoona bache.

¹⁰Ndabarumira liie, enjala ne lufu, khukhwola nga ne balabunila elala boosi, barure mu sibala nisio ese nabaelesia nibo ne bakuuka babwe.”