Read lubukusu Yer. 45 Bible Online

Yer. 45 - lubukusu bible

Yer. 45

¹ Kano niko omung'oosi Yeremia aboolelanga Baruku okhwa Neria ne aandika mu sitabu. Kano kekholekha mu mwiiko kwe khane kwa Yehoyakimu okhwa Yosia nga omwami owa Yuda. Yeremia aboolela Baruku ali,

²“Baruku, Wele Omunyali Owa Bioosi, Wele owa Isiraeli akhuboolela ewe ali

³ewe waloma oli, ‘Ese ndi ne silaaamo! Sikila Wele Omunyali Owa Bioosi atasile bubeeleli khu buchuuni bwase. Naluiiliile khulila ne se nyoola buuluukhi tawe.’ ”

⁴Khwako ese muboolela niye ndi, “Wele Omunyali Owa Bioosi aloma ali, ‘Ese ndikho ndechula nibio nombakha, ne ndikho khuula nibio nabiaala mu sibala sioosi.

⁵Ne ewe olikho weyenyela bibiindu biboofu? Okheyenyela tawe, sikila lola ese ndikho ndeera lilionakwa khu baandu boosi. Ne kakhali ndakhuonia ewe abuundu osi osi niio ewe olacha, ese Wele Omunyali Owa Bioosi samwene nalomile.’ ”