Read lubukusu Esek. 15 Bible Online

Esek. 15 - lubukusu bible

Esek. 15

¹Wele Omunyali Owa Bioosi amboolela ali,

²“Mwana wo mundu, kumusabibu kunyala kwalekhaana ne kumurongooro kwosi kwosi? Chisakia che kumusabibu chinyala chalekhaana chiriena ne kumurongooro kuuli mu musiru?

³Silikhoo sibechwanga khukhwama khu lusakia lwe kumusabibu ku? Babaandu banyala barema lusaala khu musabibu baanikhakho siindu ku?

⁴Lola, kumusabibu kuli busa kwe khubwanila kumulilo. Ne nga kumulilo ne kwosia chimbeka chombi mala kuya akari kukwa nono kulikho ne buyeeti bwosi bwosi ku?

⁵Lola, nga ne kwaba ne kukhaya tawe, se khwarumikhirwa khu siosi siosi tawe, ne nga kuyile luno kwakwa, se kulikho ne bukhala bwosi bwosi khukhila nga beele ne kukhaya tawe?”

⁶Omwami WELE aloma ali, “Bulayi bwene busa nga lusakia lwe kumusabibu ne lubukulwa mu musiru, nilwo ese ndusiisie lwosibwa ne kumulilo, mungila eyo ese khaane babaandu bamenyile mu Yerusalemu ndio.

⁷Ne ndabakhalalila mala mbae kumunaanio. Bakhaba ne bakhaka belukhe kumulilo, kulaboosia mala mulamanya muli Ese ndi Wele Omunyali Owa Bioosi nga ne ndamunyaasia enywe.

⁸Lundi ese ndakhola sibala sikele sichiimi sikila se bamenyanga mu lisuubila tawe.” Kano niko Omwami WELE aloma.