Read lubukusu Esek. 42 Bible Online

Esek. 42 - lubukusu bible

Esek. 42

¹Nio omundu oyo aambukula aambila khu luuya lwe enje mala aandangirira aambila mu liombakho liliaba elubeka we bunaswa we Lukaangu; se aaba aleeyi khukhwama khu mombakho ke lubeka lwe mumbo we Lukaangu tawe.

²Liliombakho lino liaba buleeyi chimita kamakhumi karaano ne bubalaayi chimita kamakhumi kabili na chiraano.

³Lubeka lulala liliombakho elio lialoleelela abuundu aali busa chimita likhumi bubalaayi, aaba embi ne Lukaangu. Ne lubeka luluundi lialoleelela khu ndulo khwe luuya lwe enje. Yaba liliombakho lino liombakhwa mu ngila chitaru, buli ndala enyuma asi we kiindi.

⁴Elubeka we bunaswa we liliombakho lino, engila yabaao chimita chiraano bubalaayi, ne chimita kamakhumi karaano buleeyi, ne bilibwa lubeka lwene olu.

⁵Chisiro che chinju che khu ngaaki chaba chindiiti khukhila che akari nende asi. Sikila bachisendakho enyuma lukali.

⁶Chisiro chino choosi chaba chakana ne se chaba chetiila khu njeko chosi chosi nga chichaba khu luuya enje tawe.

⁷Elubeka lwe asi, lisiisi lie nje liaba lialolelaane ne chisiro lubeka lwe luuya enje. Buleeyi bwalio liaba chimita kamakhumi kabili na chiraano ne nusu. Lubeka lwe enje khu ndulo, khwaba ne chisiro chichiindi mu mita kamakhumi kabili na chiraano buleeyi. Ne chichaba ne chachiloleelela lubeka luluundi chaba chimita kamakhumi karaano buleeyi.

⁹Asi we chinju chibili chino, elubeka we bukwe we liliombakho niio lisiisi lie luuya lwe enje lurakikhira, silibwa siabao siicha khu luuya. Elubeka we siafubo sie Lukaangu, liliombakho liliindi liabaao lifwaanana, nende liili elubeka we mumbo we Lukaangu.

¹¹Ebweeni we chisiro chino, engila yabaayo bulayi bwene nga eeli lubeka lwe bunaswa. Chisiro chino chaba chakaniilila buleeyi ne bukhiikha, bilibwa khaloondekhasia khwa buli siindu nende kimiliango biaba bifwaanana.

¹²Kumuliango kwaba khu siro asi, lubeka lwe siafubo we liliombakho, elubeka lwe bukwe nga enju newa niio lisiisi liarakikhira.

¹³Omundu oyo aamboolela ali, “Chisiro che bunaswa nende che siafubo chichafutarira luuya chili chindakatifu, nimwo basaayi babeecha khusaaya Wele Omunyali owa Bioosi baliila biianwa bitakatifu lukali. Balaraamo biianwa bitakatifu lukali, biinwa bie bibiaamo, biianwa khulwe khurusiao bubwoni nende bie kumuruungo khulwe khurusiao bumayaanu, sikila abuundu ao ali atakatifu.

¹⁴Nga basaayi ne bacha aali atakatifu ano, se balarura bache enje niio babaandu bali ne bakhafuulile chingubo nicho babeele nacho ne basaba tawe, sikila chino chili chindakatifu. Balafwara chichiindi ne bakhaacha embi ne babaandu tawe.”

¹⁵Nga omundu oyo ne amala khupiima mukari mwe siwanja sie Lukaangu, aambila enje khubirira mu silibwa sie bukwe mala aapiima bukali bwe siwanja.

¹⁶Aabukula luusia lulala mala aapiima lubeka lwe ebukwe, lwaba chimita chimia chibili ne kamakhumi karaano.

¹⁷Nio aapiima lubeka lwe bunaswa, siafubo, nende mumbo, buli lubeka lwaba chimita chimia chibili ne kamakhumi karaano.

²⁰Nio aapiima lisiisi liliabotookhelela, chimita chimia chibili ne kamakhumi karaano buli lubeka. Lisiisi elio liarumikhanga khukabukhania lubeka lutakatifu ne lubeka luukhali lutakatifu tawe.