Read lubukusu Esek. 48 Bible Online

Esek. 48 - lubukusu bible

Esek. 48

¹Kano niko kamasina ke chikholo: Khurakikhira khu lwakha lwe ebunaswa khu muyila kwa Hetiloni, khukhwama Lebo-hamati, khukhwola e Hasari-enoni (lukoba luuli khu lwakha lwa Damasika ne Hamati ebunaswa). Lubeka olwo lulaba lwe kholo eya Dani.

²Khukhwamila khu lukoongo lwe kholo eya Dani, ebukwe khukhwola mumbo. Lubeka olwo lulaba lwe kholo eya Asheri.

³Khukhwamila khu lukoongo lwe kholo eya Asheri, ebukwe khukhwola mumbo. Lubeka olwo lulaba lwe kholo eya Nafutali.

⁴Khukhwamila khu lukoongo lwe kholo eya Nafutali, ebukwe khukhwola mumbo. Lubeka olwo lulaba lwe kholo eya Manase.

⁵Khukhwamila khu lukoongo lwe kholo eya Manase, ebukwe khukhwola mumbo. Lubeka olwo lulaba lwe kholo eya Efuraimu.

⁶Khukhwamila khu lukoongo lwe kholo eya Efuraimu, ebukwe khukhwola mumbo. Lubeka olwo lulaba lwe kholo eya Rubeni.

⁷Khukhwamilila khu lukoongo lwe kholo eya Rubeni, ebukwe khukhwola mumbo. Lubeka luno lulaba lwe kholo eya Yuda.

⁸Khukhwamila khu lukoongo lwe kholo eya Yuda, ebukwe khukhwola mumbo. Lubeka luno lulabaandwa; bukhiikha chimita chielefu ekhumi na chibili ne chimia chiraano, ne buleeyi butekanilile ne buleeyi bwe kamaloba ke kholo ndalakho, ebukwe khukhwola mumbo. Abuundu atakatifu alaba akari.

⁹Lukoongo nilwo mulabaanda khulwo Mwami Wele lulaba chimita chielefu ekhumi na chibili ne chimia chiraano buleeyi ne chimita chielefu ekhumi bukhiikha.

¹⁰Lukoongo lutakatifu lulakabwamo luri: Basaayi balanyoola abuundu wabwe chimita ekhumi na chibili ne chimia chiraano lubeka lwe bunaswa, bukhiikha chimita chielefu chiraano lubeka lwe mumbo, bukhiikha chimita chielefu chiraano lubeka lwe bukwe, ne buleeyi chimita chielefu ekhumi na chibili ne chimia chiraano lubeka lwe siafubo. Abuundu atakatifu wo Mwami Wele alaba akari.

¹¹Lukoongo luno lulaba lwe basaayi babarwa alubeka khulwe khukholela Omwami Wele, be lisaaye lia Satoki. Abo babakholela Ese mu busuubilifu enyuma we Baisiraeli khu khuundurakho nga Balawi bosi baakhola.

¹²Abuundu ano alaba kamaloba kabwe bong'ene khukhwama khu maloba kamatakatifu ke lukoongo olwo. Abuundu atakatifu lukali khukhwama khu lukoongo lwe Balawi.

¹³Khu lukoongo lwe basaayi, Balawi balanyoola abuundu wabwe chimita chielefu ekhumi na chibili ne chimia chiraano buleeyi, ne bukhiikha chielefu chiraano. Buleeyi bwoosi bulaba chimita chielefu ekhumi na chibili ne chimia chiraano ne bukhiikha chimita chimita chielefu chiraano.

¹⁴Se bakhakusiekho namwe bakhole bukulaani khu sitonyi siosi siosi sia abuundu ao tawe. Bakhakabakho omundu yesi yesi kamaloba ke abuundu aarobore ano tawe, sikila ali abuundu wa Wele atakatifu.

¹⁵Lubeka lusikaale chimita chielefu chibili ne chimia chiraano bukhiikha nende chimita chielefu ekhumi na chibili ne chimia chiraano buleeyi, akhabe abuundu we khukholelao bibiindu bie mulukoba, abuundu niio babaandu bamenyile nende e mikuunda. Lukoba lulaba akari.

¹⁶Buboofu bwe lukoba lulaba luri: Chimita chielefu chibili ne chimia chibili ne kamakhumi karaano ebunaswa, chimita chielefu chibili ne chimia chibili ne kamakhumi karaano siafubo, chimita chielefu chibili ne chimia chibili ne kamakhumi karaano ebukwe, nende chimita chielefu chibili ne chimia chibili ne kamakhumi karaano mumbo.

¹⁷Lukoba lulaba ne siwanja: chimita emia ndala ne kamakhumi kabili na chiraano ebunaswa, chimita emia ndala ne kamakhumi kabili na chiraano siabubo, chimita emia ndala ne kamakhumi kabili na chiraano ebukwe, nende chimita chimia chibili ne kamakhumi kabili na chiraano mumbo.

¹⁸Lubeka lusikaale khuloonda kamaloba kamatakatifu alaba chimita chielefu chiraano ebukwe, nende chimita chielefu chiraano mumbo. Alaba ario khuloonda kamaloba kamatakatifu. Ano alaba abuundu we bulimi bwe biakhulia khu bakholi be mu lukoba.

¹⁹Bakholi be mu lukoba abo, khukhwama mu kholo choosi cha Isiraeli, bakhalimemo.

²⁰Kamaloba niko mukhabaande koosi kakhabe chimita chielefu ekhumi na chibili ne kamakhumi karaano buli lubeka khutekaniilila. Ano aba khwareere alala lubeka lwe kamaloba kamatakatifu ne lubeka lwe lukoba.

²¹Kamaloba kasikala chimbeka chombi che kamaloba kamatakatifu ne abuundu we lukoba kalaba ko muruki. Khukhwamila niio chimita chielefu ekhumi na chibili ne chimia chiraano che kamaloba kamatakatifu chiweela khukhwola khu lwakha lwe bukwe; ne khulola mumbo khukhwamila niio chimita chielefu chibili ne chimia chiraano chiweela khu lwakha lwe mumbo, khuloondekhana ne kamaloba ke chikholo. Abuundu ano alaba wo muruki. Kamaloba kamatakatifu nende abuundu atakatifu akari wako,

²²nende abuundu we Balawi ne lukoba bilaba akari we kamaloba ko muruki. Kamaloba ko muruki kalaba akari we lukoongo lwa Yuda ne lukoongo lwa Benjamini.

²³Chikholo chichiindi: Khukhwamila ebukwe khukhwola mumbo; lubeka olwo lulaba lwe kholo eya Benjamini.

²⁴Khukhwamila khu lukoongo lwe kholo eya Benjamini, khukhwama ebukwe khukhwola mumbo; lubeka luno lulaba lwe kholo eya Simioni.

²⁵Khukhwamila khu lukoongo lwe kholo eya Simioni, khukhwama ebukwe khukhwola mumbo; lubeka luno lulaba lwe kholo eya Isakari.

²⁶Khukhwamila khu lukoongo lwe kholo eya Isakari, khukhwama ebukwe khukhwola mumbo; lubeka luno lulaba lwe kholo eya Sebuluni.

²⁷Khukhwamila khu lukoongo lwe kholo eya Sebuluni, khukhwama ebukwe khukhwola mumbo; lubeka luno lulaba lwe kholo eya Kati.

²⁸Khukhwamila khu lukoongo lwe kholo eya Kati siafubo, lulwakha lukhabire khukhwama Tamari khukhwola abuundu we kameechi ka Meriba-kateshi; ne khubira ebukwe wa Misiri lwoole khu nyanja eya Mediterenia.

²⁹Kano niko kamaloba niko mukhakabemo nga kumukabwa khu kholo cha Isiraeli; kano niko kamaloba kabwe. Omwami WELE aalomile.

³⁰ Bino bilaba bilibwa biirura mu lukoba: Lubeka lwe bunaswa, luulaba buleeyi chimita chielefu chibili ne chimia chibili ne kamakhumi karaano,

³¹bilibwa bitaru. Bino bili silibwa sia Rubeni, silibwa sia Yuda, ne silibwa sia Lawi. Bilibwa bino biaalaangwa kamasina ke chikholo cha Isiraeli.

³²Lubeka lwe bukwe, luulaba buleeyi chimita chielefu chibili ne chimia chibili ne kamakhumi karaano, bilibwa bitaru. Bino bili silibwa sia Yosefu, silibwa sia Benjamini, ne silibwa sia Dani.

³³Lubeka lwe siafubo, luulaba buleeyi chimita chielefu chibili ne chimia chibili ne kamakhumi karaano, bilibwa bitaru. Bino bili silibwa sia Simioni, silibwa sia Isakari, ne silibwa sia Sebuluni.

³⁴Lubeka lwe mumbo, luulaba buleeyi chimita chielefu chibili ne chimia chibili ne kamakhumi karaano, bilibwa bitaru. Bino bili silibwa sia Kati, silibwa sia Asheri, ne silibwa sia Nafutali.

³⁵Buleeyi khubotookhelela lukoba bulaba chimita chielefu tisa. Lisina lie lukoba khukhwamila siise esio khukhwola libe: “Wele Omunyali Owa Bioosi ali ebweeneyo.”