Read lubukusu Hos. 11 Bible Online

Hos. 11 - lubukusu bible

Hos. 11

¹ Wele Omunyali Owa Bioosi aboola ali, “Nga Isiraeli ne aba omwana: Ese namusiima ne namulaanga nga omwana wase[6] naali e Misiri.

²Ne nga nabelelela khumulaanga nga eseenda aleeyi nase. Babaandu base baana chimbosio khu Baali, ne khukhwosia bupaani khu bifwaani.

³Ne mala naba ese owekesia Isiraeli khukeenda. Ese owabalela mu makhono kase, ne se bamanya bali ese owabaonia tawe.

⁴Nabalaanga ne lukoosi ne busiime, nabara khu sifuba siase, mala nabaliisia.

⁵“Balikobola mu sibala sie Misiri, ne Asiria silibamiia, sikila balobile khu khungobolela.

⁶Liie liliicha khu ngoba chabwe, lilifunaka bikhomekho bie bilibwa biabwe, ne khubeerera mu ngoba chabwe.

⁷Babaandu base bakhailiile khukhunjilukha khwako bakhalakiilwe lichooki ne se aliio olibarusiakho tawe.

⁸ “Efuraimu, nyala khukhwanjukha ndiena? Isiraeli, nyala nakhumwaata ndiena? Nyala ndiena khu khukhola ewe nga Atimai? Khubukula ewe nga Seboimu ndiena? Kumwoyo kwase se kungana nakakhola ndio tawe! Busiime bwase khwiwe buli ne kamaani khukhila.

⁹Se ndakhuukuuma ne siili ne lirima tawe, se ndabunia Isiraeli lundi tawe. Sikila Ese ndi Wele se ndi omundu tawe. Ese Omutakatifu ndi nanywe, nono se kheche ne lirima tawe.

¹⁰“Wele Omunyali Owa Bioosi aloma ali, ‘Balieenja Wele Omunyali Owa Bioosi aliulukhuma nga etalang'i, ee, aliulukhuma, mala babaana bewe baliicha ne baterema khukhwama mumbo.

¹¹Baliicha ne baterema nga chinyuni khukhwama e Misiri, ne nga kamauusi khukhwama mu sibala sia Asiria, ne ndibakobosia mu ngoba chabwe.’ ”

¹²Wele Omunyali Owa Bioosi aloma ali, “Baisiraeli bambotookheleele ne bubeeyi ne bubacha, ne Bayaudi basiikholela busa sileka, ese oli omusuubilwa lundi Wele Omutakatifu.”