Read lubukusu Hos. 3 Bible Online

Hos. 3 - lubukusu bible

Hos. 3

¹Wele Omunyali Owa Bioosi amboolela ali, “Cha lundi wekesie busiime khu mukhasi olikhokhola sifwaabi ne baseecha babaandi khukhwola omusiime nga Omwami Wele ne asiima babaandu ba Isiraeli, akhaba ne baloondanga bawele babaandi ne khusiima khuaana kimikaati kie limela khu bifwaani.”

²Nio nakula omukhasi oyo bitonyi bie efwesa ekhumi na biraano ne likunia ne nusu lie eshayiri.

³Nio namuboolela ndi, “Olamenya siise sikali, nokhakholakho bueeyi namwe sifwaabi no mundu okundi tawe. Ne sesi nja khuba omusuubilifu khwiwe.”

⁴Mungila yino babaandu ba Isiraeli balimenya siise sileeyi ne bakhali no mwami namwe omwimeelesi tawe, ne bakhali ne biianwa bie chimbosio namwe enjeko eye kamabaale, namwe bifwaani ne bifwaanane bie bufumu.

⁵Ne ekhumaliilikha babaandu ba Isiraeli balikobola mala basaaye Wele Omunyali Owa Bioosi, Wele wabwe, ne khuyiima Daudi omwami wabwe. Nio baliria Wele Omunyali Owa Bioosi, Wele wabwe ne khubona bulayi bwewe mu ndaalo chimaliilisi.