Read lubukusu Hos. 6 Bible Online

Hos. 6 - lubukusu bible

Hos. 6

¹Babaandu baloma bali, “Yiicha, khukobolele Wele Omunyali Owa Bioosi akhaba ne akhuumisia efwe, alakhuonia akhaba ne akhuupakile efwe, alakhusilikha.

²Enyuma we chindaalo chibili alikhulamusia, khu ndaalo eya khataru alikhwinyosia, nio khumenye ne naye.

³Lekha khumumanye, khukhake khumanye Wele Omunyali Owa Bioosi, khukhwicha khwewe khumanyikhaane busa nga enje ne buli khusia, echa nga efula nga efula eye mu siruumbi nekwa.”

⁴Ewe Isiraeli ndikhukhola siina? Nawe Yuda ndikhukhola siina? Busiime bwowo buli nga namufweli eye kumutikhinyi, buli nga luume luweelelela ne liaanga.

⁵Ako niko kakila ne ndumire bang'oosi base, ne burume bwe sikhalako ne libunia. Niko nenya khwinywe kali busa abuwaanga lundi khwasie.

⁶ Nono nenya busiime bwa ng'ali se chili chimbosio tawe, limanya lia Wele khukhila biianwa bie khukhwosia.

⁷Ne kakhali bafunaka endakaano abundu alaangwa Adamu, ebweeneyo se bakholela ne busuubilifu tawe.

⁸Kileati luli lukoba lwe babonaki, lulwechulamo sifuki.

⁹Nga banuuli ne bebuulila omundu, bali bario basaayi babuusiana alala, beerera khu ngila echa Shekemu ng'ali bakakhola siootia.

¹⁰Nabona sisiindu sie khuukia munju eya Isiraeli, babaandu base, benyaalutisie khulwe bueeyi.

¹¹Ne ewe wesi Yuda, narereo siise sie siiukuumo, khu niko mulikho mukhola. Nga ndikobosia chikhabi che babaandu base.