Read lubukusu Hos. 8 Bible Online

Hos. 8 - lubukusu bible

Hos. 8

¹Wele Omunyali Owa Bioosi aloma ali: Khupa lulwang'a! Basiku becha khu sibala siase nga chifuruusi, babaandu base bafunile endakaano niyo nakhola nabo, mala balekeleesie lilaka liase.

²Bandilila ne baloma bali, “Wele wefwe efwe Baisiraeli khukhumanyile”

³balobile kaali kamalayi sikila kano basiku babwe balabebwaakala.

⁴Baamiia babaami nibo ese khamanyile tawe, barao babemeelesi, nibo ese khamanyile tawe, Bakhola bifwaani bie efwesa ne esahabu yabwe bibabunia babeene.

⁵Baandu ba Samaria, ndi ne lirima khwinywe, khukhwola siise sina nio mube baluungi

⁶mu Isiraeli? Omundu abing'oona ne se bili Wele tawe. Sifwaani sia Samaria silifunakakwa sibe bitonyi.

⁷Sikila bamiicha ekhuungu nio balikesa sisifuusia sibiaalwa se silimulikha tawe, se silisaala siakhulia tawe, ne silaba bareende balisilia.

⁸Isiraeli yamilwa, eli khale mu kholo chichiindi. Ne seli ne bukhala tawe.

⁹Sikila bachile khukhwola Asiria, nga epunda eye mundaa ekeendakeenda yong'ene busa, Isiraeli yakulile bakhola bueeyi nayo.

¹⁰Akhaba ne bakula bayeeti mu kholo chichiindi nja khubabuusia alala. Nio mu siise sitiiti balilekha khukhwamiisia omwami ne babemeelesi.

¹¹Sikila Isiraeli yeyombakhiile chi alutare chingali che khukhola bubwoni khu niyo chekholile chi alutare che khukhola bubwoni.

¹²Nakhakiandikila kamalaka kase khukhwola chielefu ekhumi, kalaba busa nga siindu sikeni.

¹³Basiima bie chimbosio baana chimbosio che chinyama ne khuchilia ne kakhali Wele Omunyali Owa Bioosi se abisiimakho tawe. Nono alakhebulila bumayaanu bwabwe, ne khubaukuuma sikila bubwoni bwabwe, balikobola e Misiri.

¹⁴Sikila Isiraeli yebiliile owakibuumba mala yombaakhe kamachipi ne Yuda yatasile khukhwombakha chingoba ne kakhali nja khuruma kumulilo khu ngoba chayo mala kuliosia chingoba chayo.