Read lubukusu Yon. 2 Bible Online

Yon. 2 - lubukusu bible

Yon. 2

¹Yona aasaba Wele Omunyali Owa Bioosi, Wele wewe, ne ali munda mwe ng'eeni

²ali, “Ee Wele Omunyali Owa Bioosi, mu butinyu bwase nakhusaba, mala wangobosia. Nasaba buyeeti ne ndi aasi emakoombe mala wanjeeta.

³Wamwaata ese mu lusiba, khukhwola khu sibale sie nyanja, niio kameechi kaangara chimbeka choosi, bibuli biowo bie kamaani bioosi biambirirakho.

⁴Nio naloma ndi, ‘Namwaatiibwe khukhwama ebweeni wowo, ndikhola ndiena lundi nio mbone Lukaangu lwowo lutakatifu?’

⁵Kameechi kandiimbia, ne lusiba lwambotookhelela, enyoonyi yamboelesia khu murwe

⁶mu maayo mwe bikulu. Ee Wele Omunyali Owa Bioosi, Wele wase, ese neekha asi naacha mu sibala nisio nekalilwamo mindali, ne kakhali ewe wandusia mu lusiba olwo.

⁷Ee, Wele Omunyali Owa Bioosi, nga nabona ne nja khufwa, nakhusaba ewe ne oli mu Lukaangu lwowo lutakatifu, mala waulila lisaba liase.

⁸Abo basaaya bifwaani bia busa, baalekhile khu khuloonda ewe.

⁹Ne kakhali ese ndakhuelesia efuma, ndaana embosio khwiwe, lundi khole niko nasuubisia. Buonia bwama khu Wele Omunyali Owa Bioosi!”

¹⁰Nio Wele Omunyali Owa Bioosi aalaka eng'eeni ekhaase Yona khu sikiingi, mala yakhola erio.