Read lubukusu Khub. 13 Bible Online

Khub. 13 - lubukusu bible

Khub. 13

¹Wele Omunyali Owa Bioosi aboolela Musa ali,

²“Ruma babaandu nga bayooti bache mu sibala sia Kanaani nisio ndikho mbelesia babaandu ba Isiraeli. Ruma omwimeelesi mulala khukhwama mu buli ekholo.”

³Nio Musa aabaruma khukhwama mu sichiimi sia Parani. Aabaruma khuloondekhana ne lilaka lia Wele Omunyali Owa Bioosi. Boosi abo baba babemeelesi be ba Isiraeli.

⁴Ne kano niko kakaba kamasina kabwe, khukhwama mu kholo eya Rubeni, Siamua okhwa Sakuri.

⁵Khukhwama mu kholo eya Simioni, Siafati okhwa Hori.

⁶Khukhwama mu kholo eya Yuda, Kalebu okhwa Yefune.

⁷Khukhwama mu kholo eya Isakari, Ikali okhwa Yosefu.

⁸Khukhwama mu kholo eya Efuraimu, Hosea okhwa Nuni.

⁹Khukhwama mu kholo eya Benjamini, Paliti okhwa Rafu.

¹⁰Khukhwama mu kholo eya Sebuluni, Katieli okhwa Soti.

¹¹Khukhwama mu kholo eya Yosefu (ekholo eya Manase), Kati okhwa Susi.

¹²Khukhwama mu kholo eya Dani, Amieli okhwa Kemali.

¹³Khukhwama mu kholo eya Asieri, Seturi okhwa Mikaeli.

¹⁴Khukhwama mu kholo eya Nafutali, Nabi okhwa Wofisi.

¹⁵Khukhwama mu kholo eya Kati, Keueli okhwa Maki.

¹⁶Abano nibo bayooti nibo Musa aruma khucha nga bayooti mu sibala. Musa akaluukhasia lisina lia Hosea okhwa Nuni, amulaanga ali Yoshua.

¹⁷Musa aabaruma khukhola buyooti mu sibala sia Kanaani. Ababoolela ali, “Cha khukhwola ebunafubo owa Kanaani ne sibala sie bikulu.

¹⁸Muloole sibala sifwaana siriena, ne babaandu babasimenyamo ne bali be kamaani namwe bali batekhele, bali bakali namwe batiiti.

¹⁹Lola sibala nisio bamenyilemo ne sili silayi namwe sibi, ne chingoba nicho bamenyilemo ne chili che chikambi namwe chisire.

²⁰Lola sibala ne sili sitaambi namwe siyiinda, lundi ne silimo kimisiru namwe tawe. Ba banyindaafu mala mureerekho bilala khu biaamo bie sibala esio.” (Nono siise siaba sie khuroba khwe kimisabibu kinyoa).

²¹Nio bayooti bacha nga bayooti mu sibala khukhwama mu sichiimi sia Sini khukhwola Reobu, embi abwingililo bwa Hamati.

²²Bacha e lubeka lwe ebunafubo owa Kanaani mala bola Heburoni niio chikholo cha Ahimani, Sheshai, ne Talimai baba be lisaaye lia Anaki, bamenya. (Lukoba lwa Heburoni lwombakhwa kimiiko saba ebweeni we lukoba lwa Soani mu Misiri).

²³Bola mwitooma lie Eshikoli, ne ebweeneyo barema lusakia lulala lulwabakho sisusuuchu sie chisabibu. Lwasutwa ne babaandu babili khu lukuulo akari kari wabwe, lundi bareera kamakomanga ne chinduli.

²⁴(Abuundu ao alaangwa bali mwitooma mwe Eshikoli[2] sikila sisusuuchu sie kimisabibu nisio Baisiraeli bakhala ebweeneyo.)

²⁵Enyuma we khukhola buyooti mu sibala khu ndaalo kamakhumi kane, bayooti bakobola.

²⁶Bakobola khu Musa ne Aruni, ne babaandu ba Isiraeli boosi e Kadeshi mu sichiimi sie Parani. Baboolela babaandu niko babona ne khubekesia bibiaamo bie sibala esio.

²⁷Baboolela Musa bali, “Khwola mu sibala nisio wakhuruma. Sili sibala nisio kamabeele ne bubuukhi beseleetekhanga. Ne lola bibiaamo biasio ebisina.

²⁸Ne kakhali babaandu basimenyilemo bali be kamaani, ne chingoba chabwe chili chisire lundi chimboofu. Khutasa khwako khwabonayo be lisaaye lia Anaki.

²⁹Baamaleki bamenyile ebunafubo we sibala sienesio. Ne Baiti, Bayebusi ne Baamori bamenyile khu sikulu sie sibala esio. Ne Bakanaani bamenyile embi ne nyanja ne khu sikiingi sie luluuchi lwa Yoritani.”

³⁰Ne kakhali Kalebu aasisia babaandu ebweeni wa Musa, mala aloma ali, “Lekha khuche mala khutiile sibala; khuli ne kamaani kamakali khusiiula.”

³¹Nio babaandu ba bacha ne Kalebu baloma bali, “Tawe, se khunyala khwasitiila tawe. Babaandu abo bali ne kamaani khukhukhila efwe.”

³²Nio bareera kamakobosio kamabi khu Baisiraeli, khuloondekhana ne sibala nisio baruma baandu khuyoota. Baloma bali, “Sibala esio sili sibunia basimenyilemo. Ne babaandu boosi nibo khuboonemo bali baleeyi lukali.

³³ Lundi khwabonayo kamanani (lisaaye lie Baanaki). Efwe khwabonekha busa bakeekhe nga kamatete.”