Read lubukusu Mik. 5 Bible Online

Mik. 5 - lubukusu bible

Mik. 5

¹Baandu ba Yerusalemu buusia banamae benywe! Khwebwakaalwe! Balikho bebwaakala omwimeelesi owa Isiraeli.

² Wele Omunyali Owa Bioosi aloma ali, “Betelehemu Efurati, ewe oli lulala khu ngoba chindiiti lukali mu Yuda, ne mwiwe ndamiamo omwami we Baisiraeli, niye sikuuka siewe siama khale.”

³Khwako Wele Omunyali Owa Bioosi akhanjukhe babaandu bewe ebweeni we basiku babwe, khukhwola siise nisio omukhasi olikho olumwa asaalilakho. Nio Baisiraeli boosi bali mu mbaambe, bakobole niio babasiaabwe bali.

⁴Omwami oyo ne echa aliamiia babaandu bewe ne kamaani ka Wele Omunyali Owa Bioosi, mu bunyali bwa Wele Omunyali Owa Bioosi omwene. Babaandu bewe balimenya mu muleembe, sikila babaandu mu sibala sioosi balimanya bunyali bwewe,

⁵lundi Omwami akhareere kumuleembe. Nga Baashuru ne balibwaakala sibala siefwe ne khutechula kamasiisi ke chingoba chefwe, khuliruma babemeelesi befwe be kamaani khu khuupana nabo.

⁶ Baashuru be mu sibala sia Nimuroti ne baliicha khukhwibwaakala sibala siefwe, babemeelesi befwe be kamaani abo balirumikhira bulwaani khubaula mala bakhuonie efwe.

⁷Ne Baisiraeli bakhaafwila mu mbaambe tawe, baliba nga efula eye mu siimiyu khukhwama khu Wele Omunyali Owa Bioosi esisinia bibiaamo. Bakheyikine Wele se bakheyikine babaandu lundi tawe.

⁸Baisiraeli bakhaafwa abo tawe, baliba nga etalang'i eyiima siakhulia mu musiru namwe mu mayilwe enyoola kumunyele kwe kamakheese, mala ekatiile ne khukatabulakamo ne se aliio okasikula tawe.

⁹Baisiraeli bakhaule basiku babwe, balibabunia boosi.

¹⁰Wele Omunyali Owa Bioosi aloma ali ne khu ndaalo eyo ndiira chifarasi chenywe ne ndionakaka kamakaari kenywe ke liie.

¹¹Khatechule chingoba chenywe, ne khukwisia kamasiisi ke chingoba chenywe koosi.

¹²Ndionaka bibiindu bie bulosi nibio murumikhiranga bioosi ne omufumu salinyoolekha mwinywe lundi tawe

¹³ndirusiao bifwaani ne chinjeko chenywe chindakatifu, ne se mulisaayakho lundi bibiindu nibio mwabene mwekholela tawe.

¹⁴Ndionakaka bifwaani bia Asiera wele we siikhasi ne khukhwonaka chingoba chenywe.

¹⁵Ne mwirima ne burafu ndiiyacha, chikholo choosi chikhandia ese tawe.