Read lubukusu Sak. 3 Bible Online

Sak. 3 - lubukusu bible

Sak. 3

¹ Mu malola kakaandi Wele Omunyali Owa Bioosi anjekesia Omusaayi Omukhulu Lukali Yoshua emile ebweeni wa malaika owa Wele Omunyali Owa Bioosi. Ne alubeka owa Yoshua Sietani aba emileo enya khumusitaka.

² Nio Malaika owa Wele Omunyali Owa Bioosi aboolela Sietani ali, “Wele Omunyali Owa Bioosi akhoya akhwikiiche ewe Sietani! Wele Omunyali Owa Bioosi owasiima Yerusalemu, akhoya akhwikiiche! Omundu yuno ali nga lukhu nilwo bayuula khukhwama mu mulilo.”

³Yoshua aba emile ebweeni wa malaika afwarire chingubo chinjaafu.

⁴Malaika aboolela bakholi bewe be mwikulu ali, “Mufuule chingubo chinjaafu nicho afwarire.” Nio malaika aboolela Yoshua ali, “Lola nakhurusiisiekho bubwoni bwowo mala ndakhufwara chingubo chimbia.”

⁵Nio malaika arusia lilaka bakholi bewe bafware Yoshua sileemba similiiu khu murwe kwewe. Bakhola bario, mala lundi bamufwara chingubo chimbia malaika owa Wele Omunyali Owa Bioosi ne emileo.

⁶Nio malaika owa Wele Omunyali Owa Bioosi aboolela Yoshua ali

⁷Omwami Owe Banamae aloma ali, “Waaba ne oria kamalaka kase ne khukhola kimilimo nikio khuelesie, aba olachiililila khuliinda Lukaangu lwase ne luuya lwalwo, lundi ndaulila kamasaba kowo, bulayi bwene nga ne mbulilanga kamasaba ke bamalaika bali ebweeni wase.

⁸ Yoshua, ewe ooli Omusaayi Omukhulu Lukali, ne basaayi basio rekeeresia, sikila enywe muli silolelo silayi sie chindaalo chichiicha. Ndekesia omukholi wase, olaangwa bali Lusakia.

⁹Ndikho nda ebweeni wa Yoshua libaale lilala liong'ene lie chimbeka saba. Ndabechakho kamaandike, mala khu ndaalo ndala yong'ene ndarusiao bubwoni bwe sibala sino.

¹⁰ Endaalo eyo ne yola buli mulala khwinywe alilanga owasie khukhwicha asangaalile kumuleembe ne buliindi. Ne buli mulala aliba akari we biluundu biewe bie kimisabibu ne kimituli.”