Read lubukusu Sak. 4 Bible Online

Sak. 4 - lubukusu bible

Sak. 4

¹Malaika owaba ne alomaloome nase echa ne khu khusiisimusia oli beele ne ndikho ngona.

²Andeeba ali, “Waboone siina?” Nakobosia ndi, “Naboone siteetwe sie tala sisiakholwa khukhwama khu sahabu.” Sibuumba sie kamafura siaba khu ngaaki khwasio. Khu siteetwe chilikho chitaa saba, buli ndala ne kumunwa kwe lutaambi, kioosi alala saba.

³ Kiliio kimirongooro kibili kia miseituni siimbi ne siteetwe, mulala kumukhono kumuseecha ne kukuundi kumukhono kumukhasi.

⁴Nio nareeba malaika oyo ndi, “Sifuno sie bibiindu bino bioosi sili siina?”

⁵Malaika angobosia ali, “Se omanyile tawe?” Nio ese namukobosia ndi, “Tawe Omwami.” [1]

¹⁰Malaika amboolela ali, “Chitaa saba chili chimoni saba cha Wele Omunyali Owa Bioosi chibona buli abuundu mu sibala.”

¹¹ Nio namureeba ndi, “Kimirongooro miseituni kibili kiili buli lubeka lwe siteetwe kili na sifuno siina?

¹²Ne chisakia cha miseituni chibili chili mu mbafu mwe chikhoombi che sahabu nicho kamafura ka miseituni karuriramo chili na sifuno siina?”

¹³Andeeba ali, “Se omanyile tawe?” Namukobosia ndi, “Tawe, Omwami.” Se manyile tawe.

¹⁴Nio aloma ali, “Babaandu babili bano bali nibo Wele Omunyali Owa Bioosi we sibala sioosi arobore ne khubachukhakho kamafura bamukholele.” Lisuubisia lia Wele khu Serubabeli Malaika amboolela khuelesia Serubabeli burume buno khukhwama khu Wele Omunyali Owa Bioosi, “Olaula, se kali sikila kamaani ke banamae namwe kakowo wamwene tawe, ne kakhali ka Roho wase. Bikhiingililo biboofu nga bikulu bilarura ebweeni wowo. Olombakha lundi Lukaangu, ne nga nora libaale limaliilisi abuundu walio, babaandu baliyokela ne baloma bali, ‘Kumwalaalo, kumwalaalo kubibekho!’ ” Burume bubuundi bwanjichakho khukhwama khu Wele Omunyali Owa Bioosi. Aloma ali, “Serubabeli emekhe kumusiingi kwe Lukaangu luno mala alamala khulwombakha. Nga kano ne kekholekha, babaandu base balamanya bali ese niye owakhuruma ewe khu nibo. Baabone bubi sikila se babone kimilimo kimikali tawe. Ne kakhali balabona Serubabeli nachiililila khukhwombakha Lukaangu mala balasangaala.”