Read lubukusu Sak. 7 Bible Online

Sak. 7 - lubukusu bible

Sak. 7

¹Wele Omunyali Owa Bioosi aruma Sakaria ne burume buno mu mwiiko kwa khane kwe khukhwamiia khwo omwami Dario, khu ndaalo eya khane eye kumwesi kwa tisa (okwo nikwo kumwesi nikwo balanga bali Kisilefu).

²Babaandu ba Beteli baba barumire Saresa ne Rekemeleki ne babaandu babwe khucha mu Lukaangu lwa Wele Omunyali Owa Bioosi khusaba chikhabi khu Wele Omunyali Owa Bioosi

³lundi ne khureeba basaayi ne bang'oosi bali, “Eku efwe khukhoya khuchiililile khulila sikila lilionakwa lie Lukaangu ne khukhweyimana kumwesi kwa kharaano nga ne khwakholilenge khulwe kimiiko kimikali kibirire ku?”

⁴Buno nibwo burume nibwo nanyoola khukhwama khu Wele Omunyali Owa Bioosi,

⁵amboolela ali, “Boolela babaandu be sibala boosi ne basaayi oli, nga ne mweyimana ne mulila buli mwesi kwa kharaano ne kwa saba mu miiko kamakhumi saba kino, mweyimana sikila ese ku?

⁶Ne nga mulichanga ne khunywa, se mukholanga murio khulwe lilienya lienywe mwabeene tawe ku?”

⁷Nga babaandu bamenya mu Yerusalemu ne mu birekere biili siimbi nalwo ebunaswa ne mu maayo mu buiinda, kano se kali kamakhuwa niko Wele Omunyali Owa Bioosi aboola khubirira mu bang'oosi bewe be khunyoa tawe ku?

⁸Wele Omunyali Owa Bioosi aboolela Sakaria ali,

⁹“Khola bukhalaki bwa ng'ali, ‘Khola bulayi mala buli mulala akholele owasie siisa.

¹⁰Mukhapia siibi banamulekhwa, bafuubi, ne baakwa namwe babanani tawe. Ne mukhebaasilia basienywe kamabi tawe.’

¹¹“Ne kakhali babaandu base baloba khurekeeresia, bakhola sileka, bekasia kamaru kabwe nio balekhe khuulila.

¹²Balumia kimiooyo kiabwe nga libaale. Sikila se baulila kamekisio niko nabaelesia khubirira mu bang'oosi ba babao tawe naambwa lirima likali.

¹³Sikila naloma ne se baulila tawe khwako bosi basaba ne se nabakobosia tawe.

¹⁴Nga sisifuusia nabasalanisia bamenye mu bibala bikeni. Kamaloba kamalayi kano karama busa.”