Read lubukusu Mal. 4 Bible Online

Mal. 4 - lubukusu bible

Mal. 4

¹Wele Omunyali Owa Bioosi aboola ali, “Endaalo elikho yiicha niyo babaandu babebonia ne bamayaanu boosi baliyia nga kamasakari. Endaalo ng'eneyo baliyia sio.

²Ne kakhali enywe mumwandia ese, bunyali bwase bwe buonia bulamubonekhela nga enyanga ne khosia buwaanga bwayo. Mulisangaala mala mwekhoye nga chimoosi ne chaama mwitaala.

³Khu ndaalo niyo ndikholela ndio, muli ula babaandu bamayaanu mala babe nga kamatosi mu bikhandakilo bienywe.

⁴“Khebulila kamekisio ko mukholi wase Musa, kamalaka niko namueleselia niye khu sikulu sia Sinai, nio babaandu ba Isiraeli boosi bakaloonde.

⁵ “Ne kakhali ndaruma omung'oosi Elicha khwinywe endaalo ya Wele Omunyali Owa Bioosi emboofu eye khuriisia eyo ne khoola tawe.

⁶Alireera alala babaana ne baraarawabwe lundi, busa aba ndecha nonakake sibala sienywe.”