Read lubukusu Yosh. 12 Bible Online

Yosh. 12 - lubukusu bible

Yosh. 12

¹ Nono bano bali babaami be sibala nisio Baisiraeli baula mala baamba kamaloba engelekha owa Yoritani, khukhwama khu litooma lia Arinoni khukhwola sikulu sia Herimoni.

²Mulala aaba Sihoni, omwami owe Baamori owaamiia khukhwama e Heshiboni. Bubwami bwewe bwamalatana khukhwama Aroeri (khundulo khwe litooma lia Arinoni) ne lukoba luli akari[5] we litooma elio, khukhwola khu luuchi lwa Yaboki luli lulwakha lwa Amoni.

³Bubwami buno bwoola khu litooma lia Yoritani khukhwama khu nyanja eya Chumbe, ebunafubo owa Beti-yeshimoti (ebukwe we Enyanja eya chumbe) ne khukhwola mumaayo mwe sikulu sia Pisika.

⁴Baisiraeli lundi baula omwami Oku owe Bashani, owaba mulala khu Barefaimu babarama, owamiia khukhwama e Asitaroti ne Etirei.

⁵Bubwami bwewe bwaambaania sikulu sia Herimoni, Saleka ne Bashani yoosi khukhwola khu baandu Bakesiuri ne Bamaaka. Oki lundi amiia silala khu bibili sie sibala sio mwami Sihoni owa Heshiboni.

⁶ Babaami babili bano baulwa ne Musa ne babaandu ba Isiraeli. Musa, omukholi owa Wele Omunyali Owa Bioosi, aaelesia sibala siabwe khu kholo cha Rubeni, Kati ne balala khu kholo eya Manase.

⁷Bano bali babaami be sibala nisio Yoshua ne Baisiraeli baula mu maloba ke mumbo mwa Yoritani. Baula khukhwama e Baalikati mwitooma lia Lebanoni khukhwola khu sikulu sia Halaki. Yoshua aakabamo sibala sino mala aelesia chikholo cha Isiraeli khuba kumukabwa kwabwe elala.

⁸Sitonyi sino sibukula sibala sie sikulu, bikulu bie mumaayo lubeka lwe mumbo, litooma lia Yoritani ne bikulu biayo bie mumayo, sichiimi, ne sibala sie ebunafubo owa Kanaani. Sibala sino nisio Bahiti, Baamori, Bakanaani, Baperisi, Bahibi, ne Bayebusi bamenyangamo.

⁹Baisiraeli baula babaami be chingoba chiloondekhana chino: Yeriko, Ai (ambi Beteli),

¹⁰Yerusalemu, Heburoni,

¹¹Yarimuti, Lakishi,

¹²Ekironi, Keseri,

¹³Tebiri, Keteri,

¹⁴Horima, Arati

¹⁵Libuna, Atulamu,

¹⁶Maketa, Beteli,

¹⁷Tapua, Heferi,

¹⁸Afeka, Lasiaroni,

¹⁹Matoni, Hasori,

²⁰Shimuroni meroni, Akishafu,

²¹Taanachi, Mekido,

²²Kadeshi, Yokineamu (mu Karimeli),

²³Tori (khu nyanja), Koiimu (mu Kalilaya),

²⁴ne Tirisa. Boosi babaulwa baba babaami kamakhumi kataru ne mulala.