Read lubukusu Yosh. 19 Bible Online

Yosh. 19 - lubukusu bible

Yosh. 19

¹Kumukabwa kukwakholekha lukhola khabili kwaba khulwe lisaaye lie kholo eya Simioni khuloondekhana ne kimilango kiabwe. Kumukabwa kwabwe kwaba akari we ekholo eya Yuda.

² Kaambaania Beerisheba, Sheba, Molata,

³Hasari-shueli, Bala, Esemu,

⁴Etolati, Betuli, Horima,

⁵Sikilaki, Beti-marikaboti, Hasari susa,

⁶Beti Lebaoti, ne Sharuheni: chingoba likhumi ne chitaru alala ne birekere biacho.

⁷Lundi chabayo Aini, Rimoni, Eteri, ne Ashani: chingoba chine alala ne birekere biacho.

⁸Birekere bino biaambaania chingoba khukhwola Baalati-Beeri ne Rama eye ebunafubo. Kuno nikwo kukwaba kumukabwa kwe ekholo eya Simioni khuloondekhana ne kimiliango kiayo.

⁹Kumukabwa kwe ekholo eya Simioni kwabamo malala khu maloba ka Yuda. Sikila sitonyi sie ekholo eya Yuda siaba sikali lukali khu nibo.

¹⁰Kumukabwa kwe khataru kwaba khwe ekholo eya Sebuluni khuloondekhana ne kimiliango kiayo. Kumukabwa kwabwe kwacha kwola Sariti.

¹¹Khukhwama eyo lulwakha lwabwe lwacha lwe mumbo khukhwola Mareli, lwatiila Tabesheti ne khu luuchi ebukwe owa Yokineamu.

¹²Ne lubeka luluundi lwa Sariti lwacha ebukwe khu lwakha lwa Kisiloti Tabori, nio khu Teberati mala lwakobola lwola khu Yafia.

¹³Khukhwama ao lwachiililila ebukwe khukhwola Kati-heferi ne Etikashi, lwakobola khungila eya Nea echa e Rimoni.

¹⁴Ebunaswa lulwakha lwakobola lwalola Hanationi, lwamaliilikhila mwitooma lia Ifuta-eli.

¹⁵Lwaambaania Katati, Nahalali, Shimuroni, Itala, ne Betelehemu: chingoba likhumi ne chibili, alala ne birekere biacho.

¹⁶Kuno nikwo kumukabwa kwe ekholo eya Sebuluni khuloondekhana ne kimiliango kiayo, chingoba alala ne birekere biacho.

¹⁷Kumukabwa kwe khaane kwaba khulwe ekholo eya Isakari khuloondekhana ne kimiliango kiayo.

¹⁸Kamaloba kakwo kabaamo Yesireeli, Kesuloti, Shunemu,

¹⁹Hafaraimu, Shioni, Anaharati,

²⁰Rabiti, Kishioni, Ebesi,

²¹Rameti, Enganimu, Enihata ne Betipasesi.

²²Lulwakha lwosi lwatiila Tabori, Shahasuma, ne Beti-shemesi, lwamaliilikhila mu Yoritani, choosi chaba chingoba likhumi ne sita alala ne birekere biacho.

²³Kuno nikwo kumukabwa kwe ekholo eya Isakari, khuloondekhana ne kimiliango kiayo, chingoba ne birekere biacho.

²⁴Kumukabwa kwe kharaano kwaba khulwe ekholo eya Asheri khuloondekhana ne kimiliango kiayo.

²⁵Kamaloba kayo kabaamo Helikati, Hali, Beteni, Akishafu,

²⁶Alamumeleki, amati, ne Mishali. Lubeka lwe mumbo lwetiila khu Karimeli ne Shihori libunati.

²⁷Nio lwakobola elubeka we ebukwe, lulwakha lwacha khu Beti-dakoni, lwetiila khu Sebuluni ne khwitooma lie Ifuta-eli lubeka lwe ebunaswa owa Betemeki ne Neyeli. Lwachiililila ebunaswa khukhwola e Kabuli,

²⁸Eburoni, Rehobu, Hamoni, ne Kana, khukhwola aleeyi e Sidoni Emboofu.

²⁹Nio lulwakha lwakobola lwalola Rama, lwola mu lukoba lwe Tiro, nio lwakobola lwalola e Hosa mala lwamaliilikhila mu nyanja eya Mediterenia. Lwaambaania Mahalabu, Akisibu,

³⁰Uma, Afeka, ne Rehobu: chingoba kamakhumi kabili ne chibili, alala ne birekere biacho.

³¹Kuno nikwo kumukabwa kwe kholo eya Asheri khuloondekhana ne kimiliango kiayo, chingoba chino ne birekere biacho.

³²Kumukabwa kwa sita kwaba khulwe ekholo eya Nafutali khuloondekhana ne kimiliango kiayo.

³³Lulwakha lwakwo lwacha khukhwama Helefu khukhwola khu mukhoonge kuuli mu Saananimu, khukhwola khu Ataminekebu khukhwola khu Yabineeli, ne lundi khukhwola aleeyi e Lakumu, mala lwamaliilikhila mu luuchi lwa Yoritani.

³⁴Lulwakha lwakobolela lubeka lwe mumbo lwalola e Asinoti Tabori, khukhwama ao khukhwola e Hukoki, lwatiila Sebuluni e lubeka lwe siafubo, Asheri lwe mumbo, ne Yoritani lwe ebukwe.

³⁵Chingoba chichasirwa ne liisiisi chaba, Sitimu, Seri, Hamati, Rakati, Kinereti,

³⁶Atama, Rama, Hasori,

³⁷Kadeshi, Etirei, Enihasori,

³⁸Ironi, Mikitaleli, Horemu, Betanati, ne Beti-shemesi: chingoba likhumi ne tisa alala ne birekere biacho.

³⁹Chingoba chino ne birekere biacho nibio kumukabwa kwe ekholo eya Nafutali khuloondekhana ne kimiliango kiabwe.

⁴⁰Kumukabwa kwa saba kwaba khulwe ekholo eya Dani khuloondekhana ne kimiliango kiabwe.

⁴¹Lulwakha lwakwo lwaambaania Sora, Eshitaoli, Tirishemeshi,

⁴²Shaalabini, Aiyaloni, Itila,

⁴³Eloni, Timuna, Ekironi,

⁴⁴Eheka, Kibetioni, Baalati,

⁴⁵Yehuti, Bene-Beraki, Kati-Rimoni,

⁴⁶Meyarikoni, ne Rakoni, alala ne kamaloba kakaloleelelana ne Yopa.

⁴⁷ Babaandu ba Dani nga ne batibia kamaloba kabwe, bacha bapana ne Leshemu. Baluaamba, bera babeene maloba, mala bakaamba kekela kakabwe. Bayusia lisina lie lukoba Leshemu lwalaangwa Dani, lisina lia kuuka waabwe.

⁴⁸Chingoba chino ne birekere biacho nibio mu kumukabwa kwe ekholo eya Dani khuloondekhana ne kimiliango kiayo.

⁴⁹Baisiraeli nga ne bamala khukaba chinjakha che kamaloba nga kimikabwa, baelesia Yoshua okhwa Nuni kumukabwa.

⁵⁰Nga Wele Omunyali Owa Bioosi ne aalaka, baelesia Yoshua lukoba lwa Timunati-Sera nilwo Yoshua omwene aasaba. Lukoba olwo lwaba mu sikulu sia Efuraimu. Yoshua ombakha lukoba lundi mala amenyamo.

⁵¹Kino nikio kimikabwa nikio omusaayi Eliesa, Yoshua okhwa Nuni, ne babemeelesi be lisaaye lie chikholo cha Isiraeli bakabania bitonyi bie kamaloba ako khulwe khukhupa chikura e shilo, amuliango kwe liiema lie libukaana. Nono bamaliilisia khukabamo kamaloba.