Read lubukusu 1 Yn. 1 Bible Online

1 Yn. 1 - lubukusu bible

1 Yn. 1

¹ Khumuandikila enywe ke Elomo eye bulamu, eyabao khukhwama mu khurakikha. Niyo khwaulila ne khukibona ne chimoni chefwe, niyo khwalola lundi khwatiilakho ne kamakhono kefwe.

² Nga bulamu buno ne bwabonekha, khwabubona, khwako, khubulomalomakho ne khumuboolela enywe ke bulamu bwa mindali bubwaba ne Paapa mala bwakholwa bwamanyikhana khwifwe.

³Niko khwabona mala khwaulila khuboolela akhaba enywe mwesi, nio nanywe muambaane ne nafwe mu busangaanilo nibwo efwe khuli nabwo ne Paapa alala no Mwana wewe Yesu Kristo.

⁴Khulikho Khuandika kano nio liliekhoya liefwe liichusibwe.

⁵Burume nibwo khwaulila khukhwama khu niye mala nibwo khulikho khumuboolela enywe nibwobu: Wele ali buwaanga, ne mu niye sisiilima se simulikhomo ne atiiti ene tawe.

⁶Nono, kaaba bali efwe khuloma khuli, khuli ne busangaanilo ne naye, mala mu siise sisiene ne sisiene, khumenya mu siilima, aba khulikho khubea mala aba se khumenyile khuloondekhana ne bung'ali tawe.

⁷ Ne khwaaba ne khumenyile mu buwaanga nga niye ne ali mu buwaanga, aba khuli ne busangaanilo khu fwabeene ne fwabeene, ne kamafuki ka Yesu, Omwana wewe, kakhukwalaasia efwe khukhwama mu buli bwoni bwoosi.

⁸Khwaaba bali khuloma khuli se khuli ne bubwoni tawe, aba khwebea fwabeene, mala aba bung'ali se buli mwifwe tawe.

⁹Ne khwaaba ne khweyama bubwoni bwefwe khu Wele, niye ali omusuubilwa lundi omuluungi, khwako alakhubeela efwe bubwoni bwefwe lundi akhukwalaasie khukhwama khu bikholwa biefwe biikhali biluungi tawe.

¹⁰Kaaba bali khuloma khuli khu khakholakho bubwoni tawe, aba khukhola Wele khuba omubeeyi ne elomo yewe aba se eli mwifwe tawe.