Read luganda 1 Ebyomumirembe 25 Bible Online

1 Ebyomumirembe 25 - luganda bible

1 Ebyomumirembe 25

¹ Era nate Dawudi n'abaami b'eggye ne baawulira okuweereza okwo abamu ku batabani ba Asafu n'aba Kemani n'aba Yedusuni, ab'okulagula n'ennanga, n'entongooli, n'ebitaasa: n'omuwendo gwabo abaakola omulimu ng'okuweereza kwabwe bwe kwali gwali bwe guti:

²ku batabani ba Asafu; Zakkuli ne Yusufu ne Nesaniya ne Asalera, batabani ba Asafu; wansi w'omukono gwa Asafu eyalagulanga ng'ekiragiro kya kabaka bwe kyali.

³Ku Yedusuni: batabani ba Yedusuni; Gedaliya ne Zeri ne Yesaya ne Kasabiya ne Mattisiya, mukaaga; wansi w'emikono gya kitaabwe Yedusuni nga balina ennanga, abaalagulanga nga beebaza era nga batendereza Mukama.

⁴Ku Kemani; batabani ba Kemani; Bukkiya, Mattaniya, Wuziyeeri, Sebuweri, ne Yerimoosi, Kananiya, Kanani, Eriyaasa, Giddaluti, ne Lomamutyezeri, Yosubekasa, Mallosi, Kosiri, Makaziyoosi:

⁵ abo bonna baali batabani ba Kemani omulabi wa kabaka mu bigambo bya Katonda, okuyimusanga ejjembe. Katonda n'awa Kemani abaana ab'obulenzi kkumi na bana n'ab'obuwala basatu.

⁶ Abo bonna baabanga wansi w'emikono gya kitaabwe okuyimbiranga mu nnyumba ya Mukama, n'ebitaasa, n'entongooli, n'ennanga, olw'okuweerezanga okw'omu nnyumba ya Katonda; Asafu, Yedusuni, ne Kemani nga bali wansi w'ekiragiro kya kabaka.

⁷ N'omuwendo gwabo wamu ne baganda baabwe abaayigirizibwa okuyimbira Mukama, bonna abalina amagezi, gwali ebikumi bibiri mu kinaana mu munaana.

⁸Ne bakubira ebyo bye baateresebwa obululu bonna okwenkana, abato era n'abakulu, omuyigiriza era n'omuyigirizwa.

⁹Awo akalulu ak'olubereberye ne kamugwako Yusufu olwa Asafu: ak'okubiri Gedaliya; ye ne baganda be ne batabani be baali kkumi na babiri:

¹⁰ak'okusatu Zakkuli, batabani be ne baganda be, kkumi na babiri:

¹¹ak'okuna Izuli, batabani be ne baganda be, kkumi na babiri:

¹²ak'okutaano Nesaniya, batabani be ne baganda be, kkumi na babiri:

¹³ak'omukaaga Bukkiya, batabani be ne baganda be, kkumi na babiri:

¹⁴ak'omusanvu Yesalera, batabani be ne baganda be, kkumi na babiri:

¹⁵ak'omunaana Yesaya, batabani be ne baganda be, kkumi na babiri:

¹⁶ak'omwenda Mattaniya, batabani be ne baganda be, kkumi na babiri:

¹⁷ak'ekkumi Simeeyi, batabani be ne baganda be, kkumi na babiri:

¹⁸ak'ekkumi n'akamu Azaleeri, batabani be ne baganda be kkumi na babiri:

¹⁹ak'ekkumi n'obubiri Kasabiya, batabani be ne baganda be, kkumi na babiri:

²⁰ak'ekkumi n'obusatu, Subayeri, batabani be ne baganda be, kkumi na babiri:

²¹ak'ekkumi n'obuna Mattisiya, batabani be ne baganda be, kkumi na babiri:

²²ak'ekkumi n'obutaano Yeremoosi, batabani be be baganda be, kkumi na babiri:

²³ak'ekkumi n'omukaaga Kananiya, batabani be ne baganda be, kkumi na babiri:

²⁴ak'ekkumi n'omusanvu Yosubekasa, batabani be ne baganda be, kkumi na babiri:

²⁵ak'ekkumi n'omunaana Kanani, batabani be ne baganda be kkumi na babiri:

²⁶ak'ekkumi n'omwenda Mallosi, batabani be ne baganda be, kkumi na babiri:

²⁷ak'amakumi abiri Eriyaasa, batabani be ne baganda be, kkumi na babiri:

²⁸ak'abiri mu kamu Kosiri, batabani be ne baganda be, kkumi na babiri:

²⁹ak'abiri mu bubiri Giddaluti, batabani be ne baganda be, kkumi na babiri:

³⁰ak'abiri mu busatu Makaziyoosi, batabani be ne baganda be, kkumi na babiri:

³¹ak'abiri mu buna Lomamutyezeri, batabani be ne baganda be, kkumi na babiri.