Read luganda Nekkemiya 10 Bible Online

Nekkemiya 10 - luganda bible

Nekkemiya 10

¹Era abo abassaako akabonero be bano, Nekkemiya Tirusaasa, mutabani wa Kakaliya, ne Zeddekiya;

²Seraya, ne Azaliya ne Yeremiya;

³ne Pasukuli ne Amaliya ne Malukiya;

⁴ne Kattusi ne Sebaniya ne Malluki;

⁵ne Kalimu ne Meremoosi ne Obadiya;

⁶ne Danyeri ne Ginnesoni ne Baluki;

⁷ne Messulamu ne Abiya ne Miyamini;

⁸ne Maaziya ne Birugayi ne Semaaya: abo be baali bakabona.

⁹N'Abaleevi: amannya gaabwe, Yesuwa mutabani wa Azaniya ne Binnuyi ow'oku baana ba Kenadadi ne Kadumyeri;

¹⁰ne baganda baabwe, Sebaniya ne Kodiya ne Kerita ne Peraya ne Kanani;

¹¹ne Mikka ne Lekobu ne Kasabiya;

¹²ne Zakkuli ne Serebiya ne Sebaniya;

¹³ne Kodiya ne Baani ne Beninu.

¹⁴ Abakulu b'abantu: Palosi ne Pakasumowaabu ne Eramu ne Zattu ne Baani;

¹⁵ne Bunni ne Azugaadi ne Babayi;

¹⁶ne Adoniya ne Biguvayi ne Adini;

¹⁷ne Atera ne Keezeekiya ne Azzuli;

¹⁸ne Kodiya ne Kasumu ne Bezayi;

¹⁹ne Kalifu ne Anasosi ne Nobayi;

²⁰ne Magupiyasi ne Mesullamu ne Keziri;

²¹ne Mesezaberi ne Zadoki ne Yadduwa;

²²ne Peratiya ne Kanani ne Anaya;

²³ne Koseya ne Kananiya ne Kassubu;

²⁴ne Kallokesi ne Piruka ne Sobeki;

²⁵ne Lekumu ne Kasabuna ne Maaseya;

²⁶ne Akiya ne Kanani ne Anani;

²⁷ne Malluki ne Kallimu ne Baana.

²⁸ N'abantu abalala bonna, bakabona n'Abanesinimu n'abo bonna abeeyawula mu mawanga ag'omu nsi eri amateeka ga Katonda, bakazi baabwe, batabani baabwe, ne bawala baabwe, buli muntu eyalina okumanya n'okutegeera;

²⁹ ne beegatta ne baganda baabwe, abakungu baabwe, ne beegwanyiza ekikolimo n'ekirayiro okutambuliranga mu mateeka ga Katonda agaaweerwa mu Musa omuddu wa Katonda, n'okukwatanga n'okukolanga ebiragiro byonna ebya Mukama, Mukama waffe, n'emisango gye n'amateeka ge;

³⁰ era tulemenga okuwa bawala baffe amawanga ag'omu nsi, newakubadde okutwaliranga batabani baffe bawala baabwe;

³¹ era amawanga ag'omu nsi bwe banaaleetanga ebintu oba ebyokulya byonna okutundira ku lunaku olwa ssabbiiti, obutagulaaniranga nabo ku ssabbiiti newakubadde ku lunaku olutukuvu: era nga tunaalekanga omwaka ogw'omusanvu, n'okubanjanga ebbanja lyonna.

³² Era ne tweteekerawo amateeka okwesaliranga buli mwaka ekitundu eky'okusatu ekya sekeri olw'okuweerezanga okw'omu nnyumba ya Katonda waffe;

³³ olw'emigaati egy'okulaga n'olw'ekiweebwayo eky'obutta ekitaggwaawo n'olw'ekiweebwayo ekyokebwa ekitaggwaawo, eby'oku ssabbiiti n'eby'oku myezi egyakaboneka, n'olw'embaga egyateekebwawo, n'olw'ebintu ebitukuvu n'olw'ebiweebwayo olw'ekibi okutangirira Isiraeri, n'olw'emirimu gyonna egy'omu nnyumba ya Katonda waffe.

³⁴ Ne tukuba obululu, bakabona n'Abaleevi n'abantu, olw'ekiweebwayo eky'enku, okuzireetanga mu nnyumba ya Katonda waffe ng'ennyumba za bakitaffe bwe zaali mu biseera ebyalagirwa buli mwaka, okwokeranga ku kyoto kya Mukama Katonda waffe nga bwe kyawandiikibwa mu mateeka:

³⁵ n'okuleetanga ebibala ebibereberye eby'ettaka lyaffe, n'ebibereberye eby'ebibala byonna eby'oku miti egy'engeri zonna buli mwaka mu nnyumba ya Mukama:

³⁶ era n'ababereberye ku batabani baffe ne ku bisibo byaffe nga bwe kyawandiikibwa mu mateeka, n'ebibereberye ku nte zaffe ne ku ndiga zaffe okuleetanga mu nnyumba ya Katonda waffe eri bakabona abaaweererezanga mu nnyumba ya Katonda waffe:

³⁷ era nga tunaaleetanga ebibereberye eby'omugoyo gwaffe n'ebiweebwayo byaffe ebisitulibwa, n'ebibala eby'oku miti egy'engeri zonna, omwenge n'amafuta, eri bakabona mu bisenge eby'omu nnyumba ya Katonda waffe; n'ebitundu eby'ekkumi eby'ettaka lyaffe eri Abaleevi; kubanga abo, Abaleevi, be baaweebwa ebitundu eby'ekkumi mu bibuga byonna gye tulimira.

³⁸Era kabona mutabani wa Alooni anaabanga wamu n'Abaleevi, Abaleevi bwe banaaweebwanga ebitundu eby'ekkumi eky'oku bitundu eby'ekkumi mu nnyumba ya Katonda waffe, mu bisenge mu nnyumba ey'okuterekamu eby'obugagga.

³⁹Kubanga abaana ba Isiraeri n'abaana ba Leevi banaaleetanga ekiweebwayo ekisitulibwa eky'eŋŋaano n'eky'omwenge n'eky'amafuta mu bisenge omuli ebintu eby'omu kifo ekitukuvu, ne bakabona abaweereza n'abaggazi n'abayimbi: so tetuulekenga nnyumba ya Katonda waffe.