Read luganda Nekkemiya 7 Bible Online

Nekkemiya 7 - luganda bible

Nekkemiya 7

¹ Awo olwatuuka bbugwe bwe yaggwa okuzimba, era nga mmaze okusimba enzigi, n'abaggazi n'abayimbi n'Abaleevi nga balondeddwa,

² awo muganda wange Kanani ne Kananiya omukulu w'ekigo ne mbakwasa Yerusaalemi: kubanga yali musajja mwesigwa, era yatyanga Katonda okusinga bangi.

³Ne mbagamba nti Enzigi za Yerusaalemi teziggalwangawo ng'omusana tegunnakangaalukuka; era bwe bayimirira nga bakuuma baggalengawo enzigi, era muzinywezenga n'ebisiba: era mussengawo abakuumi ku abo abali mu Yerusaalemi, buli muntu mu luwalo lwe, era buli muntu ng'ayolekera ennyumba ye.

⁴Era ekibuga kyali kigazi era kinene: naye abantu abaali omwo baali batono, n'ennyumba nga tezizimbiddwa.

⁵ Katonda wange n'akiteeka mu mutima gwange okukuŋŋaanya abakungu n'abakulu n'abantu babalibwe ng'okuzaalibwa kwabwe bwe kwali. Ne ndaba ekitabo eky'okuzaalibwa kw'abo abaasooka okwambuka, ne ndaba, nga kiwandiikiddwamu

⁶ nti Bano be baana b'essaza abaayambuka okuva mu bunyage bw'abo abaatwalibwa, Nebukadduneeza kabaka w'e Babulooni be yatwala, era abaddayo e Yerusaalemi ne Yuda, buli muntu mu kibuga ky'ewaabwe;

⁷abajja ne Zerubbaberi, Yesuwa, Nekkemiya, Azaliya, Laamiya, Nakamani, Moluddekaayi, Birusani, Misuperesi, Biguvayi, Nekumu, Baana. Omuwendo gw'abasajja ab'oku bantu ba Isiraeri:

⁸ abaana ba Palosi, enkumi bbiri mu kikumi mu nsanvu mu babiri.

⁹Abaana ba Sefatiya, ebikumi bisatu mu nsanvu mu babiri.

¹⁰Abaana ba Ala, lukaaga mu ataano mu babiri.

¹¹Abaana ba Pakasumowaabu, ow'oku baana ba Yesuwa ne Yowaabu, enkumi bbiri mu lunaana mu kkumi mu munaana.

¹² Abaana ba Eramu, lukumi mu ebikumi bibiri mu ataano mu bana.

¹³Abaana ba Zattu, lunaana mu ana mu bataano.

¹⁴Abaana ba Zakkayi, lusanvu mu nkaaga.

¹⁵Abaana ba Binnuyi, lukaaga mu ana mu munaana.

¹⁶Abaana ba Bebayi, lukaaga mu abiri mu munaana.

¹⁷Abaana ba Azugaadi, enkumi bbiri mu ebikumi bisatu mu abiri mu babiri.

¹⁸Abaana ba Adonikamu, lukaaga mu nkaaga mu musanvu.

¹⁹Abaana ba Biguvaayi, enkumi bbiri mu nkaaga mu musanvu.

²⁰Abaana ba Adini, lukaaga mu ataano mu bataano.

²¹Abaana ba Ateri, owa Keezeekiya, kyenda mu munaana.

²²Abaana ba Kasumu, ebikumi bisatu mu abiri mu munaana.

²³Abaana ba Bezayi, ebikumi bisatu mu abiri mu bana.

²⁴Abaana ba Kalifu, kikumi mu kkumi mu babiri.

²⁵Abaana ba Gibyoni, kyenda mu bataano.

²⁶Abasajja ab'e Besirekemu ne Netofa, kikumi mu kinaana mu munaana.

²⁷Abasajja ab'e Anasosi, kikumi mu abiri mu munaana.

²⁸Abasajja ab'e Besuwazumavesi, amakumi ana mu babiri.

²⁹Abasajja ab'e Kiriyasuyalimu, Kefira, ne Beerosi, lusanvu mu ana mu basatu.

³⁰Abasajja ab'e Laama ne Geba, lukaaga mu abiri mu omu.

³¹Abasajja ab'e Mikumasi, kikumi mu abiri mu babiri.

³²Abasajja ab'e Beseri ne Ayi, kikumi mu abiri mu basatu.

³³Abasajja ab'e Nebo eky'okubiri, amakumi ataano mu babiri.

³⁴ Abaana ba Eramu ow'okubiri, lukumi mu ebikumi bibiri mu ataano mu bana.

³⁵Abaana ba Kalimu, ebikumi bisatu mu abiri.

³⁶Abaana ba Yeriko, ebikumi bisatu mu ana mu bataano.

³⁷Abaana ba Loodi, Kadidi, ne Ono, lusanvu mu abiri mu omu.

³⁸Abaana ba Senaa, enkumi ssatu mu lwenda mu asatu.

³⁹ Bakabona: abaana ba Yedaya, ow'oku nnyumba ya Yesuwa, lwenda mu nsanvu mu basatu.

⁴⁰ Abaana ba Immeri, lukumi mu ataano mu babiri.

⁴¹ Abaana ba Pasukuli, lukumi mu ebikumi bibiri mu ana mu musanvu.

⁴²Abaana ba Kalimu, lukumi mu kkumi mu musanvu

⁴³ Abaleevi: abaana ba Yesuva ow'e Kadumyeri, ow'oku baana ba Kodeva, nsanvu mu bana.

⁴⁴Abayimbi: abaana ba Asafu, kukumi mu ana mu munaana.

⁴⁵Abaggazi: abaana ba Sallumu, abaana ba Ateri, abaana ba Talumoni, abaana ba Akkubu, abaana ba Katita, abaana ba Sobayi, kikumi mu asatu mu munaana.

⁴⁶Abanesinimu: abaana ba Zika, abaana ba Kasufa, abaana ba Tabbawoosi;

⁴⁷abaana ba Keriso, abaana ba Siya, abaana ba Padoni;

⁴⁸abaana ba Lebana, abaana ba Kagaba, abaana ba Salumayi;

⁴⁹abaana ba Kanani, abaana ba Gidderu, abaana ba Gekali;

⁵⁰abaana ba Leyaya, abaana ba Lezini, abaana ba Nekoda;

⁵¹abaana ba Gazzamu, abaana ba Uzza, abaana ba Paseya;

⁵²abaana ba Besayi, abaana ba Meyunimu, abaana ba Nefusesimu;

⁵³abaana ba Bakubuki, abaana ba Kakufa, abaana ba Kalukuli;

⁵⁴abaana ba Bazulisi, abaana ba Mekida, abaana ba Kalusa;

⁵⁵abaana ba Balukosi, abaana ba Sisera, abaana ba Tema;

⁵⁶abaana ba Neziya, abaana ba Katifa.

⁵⁷Abaana b'abaddu ba Sulemaani; abaana ba Sotayi, abaana ba Soferesi, abaana ba Perida;

⁵⁸abaana ba Yaala, abaana ba Dalukoni, abaana ba Gidderi;

⁵⁹abaana ba Sefatiya, abaana ba Kattiri, abaana ba Pokeresukazzebayimu, abaana ba Amoni.

⁶⁰Abanesinimu bonna n'abaana b'abaddu ba Sulemaani baali ebikumi bisatu mu kyenda mu babiri.

⁶¹Era bano be baayambuka okuva e Terumeera, e Terukalusa, e Kerubu, e Yaddoni, ne Immeri: naye ne batayinza kulaga nnyumba za bakitaabwe newakubadde okuzaalibwa kwabwe oba nga ba Isiraeri:

⁶²abaana ba Deraya, abaana ba Tobiya, abaana ba Nekoda, lukaaga mu ana mu babiri.

⁶³Ne ku bakabona: abaana ba Kobaya, abaana ba Kakkozi, abaana ba Baluzirayi, eyawasa omukazi ow'oku bawala ba Baluzirayi Omugireyaadi, n'atuumibwa erinnya lyabwe.

⁶⁴Abo ne banoonya okuwandiikibwa kwabwe mu abo abaabalibwa ng'okuzaalibwa kwabwe bwe kwali, naye ne kutalabika: kyebaava babavvoola ne babagoba mu bwakabona.

⁶⁵ Tirusaasa n'abagamba baleme okulya ku bintu ebitukuvu ennyo okutuusa kabona lw'aliyimirira alina Ulimu ne Sumimu.

⁶⁶Ekibiina kyonna wamu kyali obukumi buna mu enkumi bbiri mu bikumi bisatu mu nkaaga,

⁶⁷obutassaako baddu baabwe n'abazaana baabwe, omuwendo gwabwe kasanvu mu ebikumi bisatu mu asatu mu musanvu: era baalina abasajja abayimbi n'abakazi abayimbi ebikumi bibiri mu ana mu bataano.

⁶⁸Embalaasi zaabwe zaali lusanvu mu asatu mu mukaaga ennyumbu zaabwe ebikumi bibiri mu ana mu ttaano;

⁶⁹eŋŋamira zaabwe ebikumi bina mu asatu mu ttaano; endogoyi zaabwe kakaaga mu lusanvu mu abiri.

⁷⁰Era abamu ku mitwe gy'ennyumba za bakitaabwe ne bawaayo eri omulimu. Tirusaasa n'awaayo mu ggwanika daliki eza zaabu lukumi, ebibya amakumi ataano, ebyambalo bya bakabona ebikumi bitaano mu asatu.

⁷¹Era abamu ku mitwe gy'ennyumba za bakitaabwe ne bawaayo mu ggwanika ery'omulimu daliki eza zaabu obukumi bubiri, ne laateri eza ffeeza enkumi bbiri mu ebikumi bibiri.

⁷²N'ebyo abantu abalala bye baawa byali daliki eza zaabu obukumi bubiri ne laateri eza ffeeza enkumi bbiri, n'ebyambalo bya bakabona nkaaga mu musanvu.

⁷³Awo bakabona n'Abaleevi n'abaggazi n'abayimbi n'abamu ku bantu n'Abanesinimu ne Isiraeri yenna ne babeeranga mu bibuga byabwe. Awo omwezi ogw'omusanvu bwe gwatuuka, abaana ba Isiraeri nga bali mu bibuga byabwe.