Read luganda Yobu 34 Bible Online

Yobu 34 - luganda bible

Yobu 34

¹Era nate Eriku n'addamu n'ayogera nti

²Muwulire ebigambo byange, mmwe abasajja ab'amagezi; Era mutege okutu gye ndi, mmwe abalina okutegeera.

³ Kubanga okutu kukema ebigambo, Ng'amatama bwe galega ku mmere.

⁴ Twerondere ekyo ekinaaba eky'ensonga: Tumanye fekka na fekka ebirungi bwe biri.

⁵ Kubanga Yobu ayogedde nti Nze ndi mutuukirivu, Era nti Katonda anziyeeko ensonga yange:

⁶ Newakubadde nga nnina ensonga mpitibwa mulimba; Ekiwundu kyange tekiwonyezeka, newakubadde nga ssiriiko kusobya.

⁷ Muntu ki afaanana Yobu, Anywa okunyoomebwa ng'amazzi?

⁸ Atambulira awamu n'abakola ebitali bya butuukirivu, Era atambulira awamu n'abasajja ababi.

⁹ Kubanga ayogedde nti Omuntu tekiriiko kye kimugasa Okusanyukira Katonda.

¹⁰ Kale mumpulire, mmwe abasajja abalina okutegeera: Kiddire eri awali Katonda, ye okukola obubi; N'awali Omuyinza w'ebintu byonna, ye okukola ebitali bya butuukirivu.

¹¹ Kubanga alisasula omuntu omulimu gwe, Era alirabya buli muntu ng'amakubo ge bwe gali.

¹² Weewaawo, mazima Katonda taakolenga bubi, So n'Omuyinza w'ebintu byonna taalyenga nsonga.

¹³ Ani eyamuteresa ensi okugikuuma? Oba ani eyateekateeka ebintu byonna bwe byenkana?

¹⁴ Bw'ateeka omutima gwe ku bantu, Bw'akuŋŋaanyiza gy'ali omwoyo gwe n'omukka gwe;

¹⁵ Byonna ebirina omubiri birizikiririra wamu, Abantu ne badda mu nfuufu.

¹⁶Kale oba olina okutegeera, wulira kino: Wulira eddoboozi ly'ebigambo byange.

¹⁷Akyawa eby'ensonga oyo alifuga? Era onoosalira oyo omutuukirivu era ow'amaanyi okumusinga?

¹⁸ Kirungi okugamba kabaka nti Ggwe oli mugwagwa? Oba abakungu nti Mmwe muli babi?

¹⁹ Okusinga ennyo si kirungi okugamba oyo atatya maaso ga balangira, So talowooza mugagga okusinga omwavu? Kubanga bonna mulimu gwa mikono gye.

²⁰ Bafa mu kaseera akatono, mu ttuntu; Abantu bakankanyizibwa ne bayitawo, N'ab'amaanyi baggibwawo awatali mukono.

²¹ Kubanga amaaso ge gatunuulira amakubo ag'omuntu, Era alaba okutambula kwe kwonna.

²² Tewali kizikiza newakubadde ekisiikirize eky'okufa, Abakola ebitali bya butuukirivu we bayinza okwekweka.

²³Kubanga teyeetaaga kweyongera kulowooza omuntu, Atuuke mu maaso ga Katonda okusalirwa omusango.

²⁴ Amenyamenya abasajja ab'amaanyi mu ngeri etenoonyezeka, Era assaawo abalala mu kifo kyabwe.

²⁵Kyava alabirira emirimu gyabwe; Era abavuunika kiro n'okuzikirizibwa ne bazikirizibwa.

²⁶Abakuba ng'ababi Mu maaso g'abalala aweeru;

²⁷ Kubanga bakyama obutamugoberera, So tebayagala kussaayo mwoyo eri amakubo ge gonna:

²⁸ N'okutuusa ne batuusa gy'ali okukaaba kw'omwavu, N'awulira okukaaba kw'abo ababonyaabonyezebwa.

²⁹ Ye bw'awa okutereera, kale ani ayinza okusala omusango okusinga? Era ye bw'akweka amaaso ge, kale ani ayinza okumutunuulira? Oba nga ggwanga oba nga muntu, kyonna bwe bumu:

³⁰Omusajja atamanyi Katonda alemenga okufuga, Walemenga okubaawo anaateega abantu.

³¹Kubanga waliwo eyali agambye Katonda, nti Mbonerezebbwa, sikyasobya nate:

³² Kye ssiraba kinjigirize: Oba nga nkoze obujeemu ssikyabukola nate?

³³ Empeera ye eriba nga ggwe bw'oyagala n'okugaana n'ogigaana? Kubanga ggwe oba weeroboza so si nze: Kale yogera ekyo ky'omanyi.

³⁴Abantu abalina okutegeera baliŋŋamba nti Weewaawo, buli muntu ow'amagezi ampulira, anaŋŋamba nti

³⁵ Yobu ayogera nga talina kumanya, N'ebigambo bye tebiriimu magezi,

³⁶Yobu singa akemeddwa okutuusa enkomerero, Kubanga ayanukula ng'abantu ababi.

³⁷ Kubanga ayongera obujeemu ku kwonoona kwe, Akuba mu ngalo ze ng'ayima wakati mu ffe, Era ayongerayongera ebigambo bye okuwakanya Katonda.