Read luganda Zabbuli 111 Bible Online

Zabbuli 111 - luganda bible

Zabbuli 111

¹ Mumutendereze Mukama. Neebazanga Mukama n'omutima gwange gwonna, Mu kibiina eky'abatuukirivu abateesa, ne mu kkuŋŋaaniro.

² Emirimu gya Mukama mikulu, Ginoonyezebwa abo bonna abagisanyukira.

³ Omulimu gwe gwa kitiibwa, gwa bukulu: N'obutuukirivu bwe bubeerera emirembe gyonna.

⁴ Ajjukizizza emirimu gye egy'ekitalo: Mukama wa kisa, ajjudde okusaasira.

⁵ Awa emmere abo abamutya: Anajjukiranga endagaano ye emirembe gyonna.

⁶Alaze abantu be obuyinza obw'emirimu gye, Ng'abawa obusika obw'amawanga.

⁷ Emirimu egy'emikono gye ge mazima n'omusango; Ebiragiro bye byonna binywera.

⁸ Biteekebwawo emirembe n'emirembe, Bikolebwawo mu mazima n'obutuukirivu.

⁹ Yawa abantu be okununulwa; Yalagira endagaano ye emirembe gyonna: Erinnya lye ttukuvu, lya kitiibwa.

¹⁰ Mu kutya Mukama amagezi mwe gasookera; Balina okutegeera okulungi bonna abakola bwe batyo; Ettendo lye libeerera emirembe gyonna.