Read luganda Zabbuli 132 Bible Online

Zabbuli 132 - luganda bible

Zabbuli 132

¹Oluyimba olw'oku madaala. Mukama, ojjuukirire Dawudi Okubonaabona kwe kwonna.

² Bwe yalayirira Mukama, Ne yeeyama Omuzira wa Yakobo:

³Mazima siriyingira mu weema ey'ennyumba yange, So siririnnya ku kiriri kyange;

⁴ Siriwa amaaso gange okwebaka, Newakubadde enkowekowe zange otulo;

⁵ Okutuusa lwe ndimulabira Mukama ekifo, Eweema ey'Omuzira wa Yakobo.

⁶ Laba, twagiwulirako mu Efulasa: Twagiraba mu nnimiro ey'ekibira.

⁷ Tuliyingira mu weema ze; Tulisinziza awali entebe y'ebigere bye.

⁸ Golokoka, ai Mukama, oyingire mu kifo kyo eky'okuwummuliramu; Ggwe, n'essanduuko ey'amaanyi go.

⁹ Bakabona bo bambale obutuukirivu; N'abatukuvu bo boogerere waggulu olw'essanyu.

¹⁰Ku lw'omuddu wo Dawudi Togoba maaso g'oyo gwe wafukako amafuta.

¹¹ Mukama yalayirira Dawudi mu mazima; Talikyuka kugaleka: Ku bibala eby'omubiri gwo nditeeka ku ntebe yo.

¹²Abaana bo bwe banakkirizanga okwekuuma endagaano yange N'obujulirwa bwange bwe nnaabayigirizanga, Era n'abaana baabwe banaatuulanga ku ntebe yo emirembe gyonna.

¹³Kubanga Mukama yeeroboza Sayuuni; Yakiyaayaanira okukituulamu.

¹⁴ Kino kye kifo kye mpummuliramu ennaku zonna: Wano we nnaatuulanga; kubanga nayaayaanirawo.

¹⁵Naakiwanga omukisa mungi ekyengera kyakyo: Nakkusanga abaavu baakyo emmere.

¹⁶ Era ne bakabona baakyo ndibambaza obulokozi: N'abatukuvu baakyo balyogerera waggulu olw'essanyu.

¹⁷ Eyo gye ndyanyisiza ejjembe lya Dawudi: Namuteekerawo ettabaaza eyo gwe nnafukako amafuta.

¹⁸ Abalabe be ndibambaza ensonyi: Naye ku mutwe gwe engule ye eriraba omukisa