Read luganda Zabbuli 137 Bible Online

Zabbuli 137 - luganda bible

Zabbuli 137

¹ Okumpi n'emigga egy'e Babulooni, Twatuulawo wansi, weewaawo, ne tukaaba amaziga: Bwe twajjukira Sayuuni.

²Ku miti egyali wakati mu kyo Ne tuwanikako ennanga zaffe.

³Kubanga abaatutwala mu busibe baatulagirira eyo okuyimba, N'abaatunyaga baatulagira okuseka, Nti Mutuyimbireko ku nnyimba za Sayuuni.

⁴Tunaayimbanga tutya oluyimba lwa Mukama Mu nsi eteri yaffe?

⁵Bwe nnaakwerabiranga, ggwe Yerusaalemi, Omukono gwange ogwa ddyo gwerabirenga amagezi gaagwo.

⁶ Olulimi lwange lwegattenga n'ekibuno kyange, Bwe ssiikujjukirenga; Bwe ssaagalenga Yerusaalemi Okusinga essanyu lyange ekkulu.

⁷ Ojjukire, ai Mukama, ku baana ba Edomu Olunaku olw'e Yerusaalemi; Abaayogera nti Kisuule, kisuule, Era n'emisingi gyakyo.

⁸Ggwe omuwala ow'e Babulooni, agenda okuzikirizibwa; Aliba n'omukisa oyo alikuwalana ggwe, Nga bwe watukola ffe.

⁹Aliba n'omukisa oyo alikwata abaana bo abato, alibakasuka Ku jjinja.