Read luganda Zabbuli 149 Bible Online

Zabbuli 149 - luganda bible

Zabbuli 149

¹ Mumutendereze Mukama. Mumuyimbire Mukama oluyimba oluggya, N'ettendo lye mu kkuŋŋaaniro ery'abatukuvu.

² Isiraeri asanyukire oyo eyamukola: Abaana ba Sayuuni bajagulize kabaka waabwe.

³ Batendereze erinnya lye nga bazina: Bayimbe okumutendereza n'ekitaasa n'ennanga.

⁴ Kubanga Mukama asanyukira abantu be: Aliwonya abawombeefu n'obulokozi.

⁵ Abatukuvu bajagulize ekitiibwa: Bayimbirenga olw'essanyu ku bitanda byabwe.

⁶ Ettendo eggulumivu lya Katonda libenga mu bulago bwabwe, N'ekitala eky'obwogi obubiri mu ngalo zaabwe;

⁷Okuwalana eggwanga ku mawanga, N'okubonyaabonya abantu;

⁸Okusiba bakabaka baabwe n'enjegere, N'abakungu baabwe n'ebisiba eby'ebyuma;

⁹Okubatuukirizaako omusango ogwawandiikibwa: Abatukuvu be bonna balina ekitiibwa ekyo. Mumutendereze Mukama.