Read luganda Zabbuli 16 Bible Online

Zabbuli 16 - luganda bible

Zabbuli 16

¹Mikutamu ya Dawudi. Onkuume, ai Katonda: kubanga nkwesiga ggwe.

² Ŋŋambye Mukama nti Ggwe oli Mukama wange: Sirina bulungi bwonna awatali ggwe.

³ Abatukuvu abali mu nsi, Abo be basinga obulungi, be nsanyukira essanyu lyange lyonna.

⁴ Okunakuwala kwabwe kunaayongerwangako abo abawaanyisa Mukama olwa katonda Omulala: Esaddaaka zaabwe ez'okunywa ez'omusaayi ssiiziwengayo. So ssiitwalenga mannya gaabwe mu mimwa gyange.

⁵ Mukama gwe mugabo ogw'obusika bwange n'ogw'ekikompe kyange: Ggwe okuuma ebyange.

⁶ Emigwa ginguddeko mu bifo ebirungi; Mazima nnina obusika obulungi.

⁷Neebazanga Mukama, anteeserezza ebigambo: Mazima, emmeeme yange enjigiriza mu biseera eby'ekiro.

⁸ Mukama mmutadde mu maaso gange bulijjo. Kubanga ye ali ku mukono gwange ogwa ddyo, sirisagaasagana.

⁹Omutima gwange kyeguva gusanyuka n'ekitiibwa kyange kijaguza: Era n'omubiri gwange gunaabeeranga mu mirembe.

¹⁰ Kubanga tolireka mmeeme yange mu magombe; So toliganya Omutukuvu wo okulaba okuvunda.

¹¹ Onondaganga ekkubo ery'obulamu: Gy'oli waliwo essanyu erituukirira; Mu mukono gwo ogwa ddyo mwe muli ebisanyusa emirembe n'emirembe.