Read luganda Zabbuli 29 Bible Online

Zabbuli 29 - luganda bible

Zabbuli 29

¹Zabbuli ya Dawudi. Mumuwe Mukama, mmwe abaana b'abazira, Mumuwe Mukama ekitiibwa n'amaanyi.

²Mumuwe Mukama ekitiibwa erinnya lye kye lisaanira; Mumusinze Mukama mu butuukirivu obuwooma.

³ Eddoboozi lya Mukama liri ku mazzi: Katonda ow'ekitiibwa abatuka, Ye Mukama, ku mazzi amangi.

⁴ Eddoboozi lya Mukama lya maanyi; Eddoboozi lya Mukama lijjudde ekitiibwa.

⁵Eddoboozi lya Mukama limenya emivule; Weewaawo, Mukama amenyaamenya emivule gya Lebanooni.

⁶ Era agizinyisa ng'ennyana; Lebanooni ne Siriyoni ng'ennyana y'embogo,

⁷Eddoboozi lya Mukama lyawula ennimi ez'omuliro.

⁸Eddoboozi lya Mukama likankanya eddungu; Mukama akankanya eddungu lya Kadesi.

⁹ Eddoboozi lya Mukama lizaaza empeewo, Era likunkumulira ddala amabira, Era mu yeekaalu ye buli kintu kyogera nti Ekitiibwa.

¹⁰ Mukama yatuula nga kabaka ku Mataba; Weewaawo, Mukama atuula nga kabaka emirembe gyonna.

¹¹ Mukama aliwa amaanyi abantu be; Mukama omukisa gw'aliwa abantu be gye mirembe.