Read luganda Zabbuli 30 Bible Online

Zabbuli 30 - luganda bible

Zabbuli 30

¹Zabbuli; oluyimba Ennyumba bwe yatukuzibwa; Zabbuli ya Dawudi. Naakugulumizanga, ai Mukama; kubanga onnyimusizza, N'otobampanguza abalabe bange.

² Ai Mukama Katonda wange, Naakukoowoola, naawe n'omponya.

³ Ai Mukama, walinnyisa emmeeme yange okuva mu magombe: Omponyezza okufa, nneme okukka mu bunnya.

⁴ Mumuyimbirenga Mukama nga mumutendereza, mmwe abatukuvu be, N'erinnya lye ettukuvu mulyebazenga.

⁵ Kubanga obusungu bwe buyita mangu; Mu kisa kye mwe muli obulamu: Amaziga wozzi gayinza okubeerawo ekiro, Naye essanyu lijja obudde nga bukedde.

⁶ Nze bwe nnaweebwa omukisa, ne njogera nti Sirisagaasagana emirembe gyonna.

⁷ Ggwe, Mukama, mu kisa kyo wali onywezezza olusozi lwange: N'okisa amaaso go; ne nneeraliikirira.

⁸ Ne nkukoowoola ggwe, ai Mukama; Era Mukama ne mmwegayirira;

⁹ Omusaayi gwange guligasa gutya, bwe ndikka mu bunnya? Enfuufu eneekutenderezanga? eneebuuliranga amazima go?

¹⁰ Wulira, ai Mukama, onsaasire: Mukama, ggwe beera omubeezi wange.

¹¹ Onfuulidde okunakuwala kwange okuzina; Onziyeeko ebibukutu byange, onnyambazizza essanyu:

¹² Ekitiibwa kyange kiryoke kikuyimbirenga okukutendereza, so kiremenga okusirika. Ai Mukama Katonda wange, naakwebazanga emirembe gyonna.