Read luganda Zabbuli 4 Bible Online

Zabbuli 4 - luganda bible

Zabbuli 4

¹Ya mukulu w'abayimbi; ya bintu eby'engoye. Zabbuli ya Dawudi. Onziremu bwe nkukaabira, ai Katonda ow'obutuukirivu bwange; Wansumulula bwe nnali mu nnaku: Onsaasire, ompulire okusaba kwange.

²Mmwe abaana b'abantu, mulituusa wa okukyusa ekitiibwa kyange mu nsonyi? Mulituusa wa okwagala ebitaliimu, n'okugoberera eby'obulimba? (Seera)

³ Naye mutegeere nga Mukama yeeterekedde atya Katonda: Mukama anaawuliranga bwe nnaamukoowoolanga.

⁴ Muyimirire nga mutya, muleme okwonoona: Mulowooze mu mutima gwammwe ku kitanda kyammwe, musiriikirire.

⁵ Muweeyo esaddaaka ez'obutuukirivu, Era mwesige Mukama.

⁶ Waliwo bangi aboogera nti Ani alitulaga ekintu ekirungi? Mukama, ggwe oyimuse omusana ogw'amaaso go ku ffe.

⁷ Otadde essanyu mu mutima gwange, Okusinga ery'omu kyengera ky'emmere n'omwenge gwabwe.

⁸ Mu butatya naagalamiranga ne nneebaka: Kubanga ggwe wekka, Mukama, ontuusa mu mirembe.