Read luganda Zabbuli 5 Bible Online

Zabbuli 5 - luganda bible

Zabbuli 5

¹Ya mukulu w'abayimbi; ya bintu ebifuuyibwa. Zabbuli ya Dawudi. Wulira ebigambo byange, ai Mukama, Osseeyo omwoyo eri ebirowoozo byange.

² Wulira eddoboozi ly'okukaaba kwange, Kabaka wange, era Katonda wange: Kubanga nkusaba ggwe.

³ Ai Mukama, buli nkya onoowuliranga eddoboozi lyange; Buli nkya naalongoosanga okusaba kwange gy'oli, ne ntunula.

⁴Kubanga toli Katonda asanyusibwa obubi: Ebitasaana tebiituulenga gy'oli.

⁵ Abeenyumiriza tebaayimirirenga mu maaso go: Okyawa bonna abakola ebitali bituukirivu.

⁶ Olizikiriza aboogera eby'obulimba: Mukama akyawa omuntu atta n'alimbalimba.

⁷ Naye ku lwange mu bungi bw'ekisa kyo naayingiranga mu nnyumba yo: Mu kukutya naasinzanga nga njolekera yeekaalu yo entukuvu.

⁸ Ontwale, ai Mukama, mu butuukirivu bwo olw'abalabe bange; Ongololere ekkubo lyo mu maaso gange.

⁹ Kubanga tewali bwesigwa mu mimwa gyabwe: Omwoyo gwabwe bubi busa: Omumiro gwabwe ye ntaana eyasaamiridde; Beegonza n'olulimi lwabwe.

¹⁰ Obasseeko omusango, ai Katonda; Bagwe olw'okuteesa kwabwe bo: Obasindike mu kwonoona kwabwe okungi; Kubanga bakujeemedde ggwe.

¹¹ Naye bonna abeesiga ggwe basanyukenga, Bayoogaanenga mu ssanyu bulijjo, kubanga ggwe obakuuma: Era abaagala erinnya lyo basanyukirenga mu ggwe.

¹² Kubanga oliwa omutuukirivu omukisa; Ai Mukama, olimwetoolooza ekisa ng'engabo.