Read luganda Zabbuli 54 Bible Online

Zabbuli 54 - luganda bible

Zabbuli 54

¹Ya mukulu w'abayimbi; ey'ebintu eby'engoye. Masukiri ya Dawudi: Abazifu bwe bajja ne bagamba Sawulo nti Dawudi teyeekwekedde ewaffe? Ndokola, ai Katonda, n'erinnya lyo, Onsalire omusango mu maanyi go.

² Wulira okusaba kwange, ai Katonda; Otege okutu eri ebigambo eby'akamwa kange.

³ Kubanga bannaggwanga bangolokokeddeko, N'ab'ekyejo banoonyezza emmeeme yange: Tebateese Katonda mu maaso gaabwe. (Seera)

⁴ Laba, Katonda ye mubeezi wange: Mukama ali wamu n'abo abanyweza emmeeme yange.

⁵ Aliwalana obubi obwo ku balabe bange: Obazikirize mu mazima go.

⁶ Ssaddaaka ey'omwoyo ogw'eddembe gye ndikuwa ggwe: Neebazanga erinnya lyo, ai Mukama, kubanga ddungi.

⁷ Kubanga anziye mu kweraliikirira kwonna; N'eriiso lyange lirabye bye njagala nga bituuse ku balabe bange.