Read luganda Zabbuli 56 Bible Online

Zabbuli 56 - luganda bible

Zabbuli 56

¹Ya mukulu w'abayimbi; ey'ekiyonaseremu-lekokimu. Zabbuli ya Dawudi: Mikutamu: Abafirisuuti bwe baamukwatira mu Gaasi. Onsaasire, ai Katonda; kubanga abantu baagala okummira nze: Bazibya obudde nga balwana nga banjooga.

²Abalabe bange baagala okummira obudde okuziba: Kubanga abalwana nange n'amalala bangi.

³ Buli lwe nnaatyanga, Neesiganga ggwe.

⁴ Mu Katonda ndyebaza ekigambo kye: Katonda gwe nneesize, siritya; Ab'omubiri bayinza kunkola ki?

⁵Bakyusa ebigambo byange okuzibya obudde: Ebirowoozo byabwe byonna bimbaako olw'obubi.

⁶ Beekuŋŋaanya, beekweka, Bakebera ebisinde byange, Nga bwe baateega emmeeme yange.

⁷Baliwona olw'obutali butuukirivu? Mu busungu suula amawanga, ai Katonda.

⁸ Ggwe obala okutambulatambula kwange: Oteeke amaziga gange mu kasumbi ko; Tegawandiikibwa mu kitabo kyo?

⁹ Abalabe bange ne balyoka badda ennyuma ku lunaku lwe ndikaabiriramu: Kino kye mmanyi, nga Katonda ali ku lwange

¹⁰Mu Katonda nditendereza ekigambo kye: Mu Mukama nditendereza ekigambo kye.

¹¹Katonda gwe nneesize, siritya; Abantu bayinza okunkola ki?

¹² Ebirayiro byo biri ku nze, ai Katonda: Ndisasula ssaddaaka ez'okwebaza eri ggwe.

¹³ Kubanga wawonya emmeeme yange okufa: Tewawonya bigere byange okwesittala? Ndyoke ntambule mu maaso ga Katonda Mu musana ogw'abantu abalamu.