Read luganda Zabbuli 60 Bible Online

Zabbuli 60 - luganda bible

Zabbuli 60

¹Ya mukulu w'abayimbi; ey'ekisusani-edusi: Mikutamu ya Dawudi, ey'okuyigiriza: bwe yawakana ne Alamu-nakalayimu ne Alamu-zoba, Yowaabu n'akomawo, n'atta ku Edomu kakumi mu enkumi bbiri mu Kiwonvu eky'Omunnyo. Ai Katonda, otusudde, otumenyeemenye; Wasunguwala; otukomyewo, tukwegayiridde.

²Wakankanya ensi; wagyasa: Ozibe enjatika zaayo; kubanga eyuuga.

³ Abantu bo obalaze ebigambo ebizibu: Otunywesezza omwenge ogw'okutagatta.

⁴ Owadde ebendera abo abakutya, Eyolesebwe olw'amazima. (Seera)

⁵ Muganzi wo alyoke awonyezebwe, Lokola n'omukono gwo ogwa ddyo, otuddemu.

⁶Katonda yayogera mu butukuvu bwe; nti Ndijaguza: Ndisala mu Sekemu, era ndigabaagaba ekiwonvu ekya Sukkosi.

⁷ Gireyaadi wange, era Manase wange; Efulayimu naye yakuuma omutwe gwange; Yuda gwe muggo gwange ogw'obwakabaka.

⁸ Mowaabu kye kinaabirwamu kyange; Edomu ndimukasukira engatto yange: Ggwe Firisutiya, yogerera waggulu ku lwange.

⁹Ani alinnyingiza mu kibuga eky'amaanyi? Ani eyandeeta mu Edomu?

¹⁰Totusudde, ai Katonda? So totabaala, ai Katonda, n'eggye lyaffe.

¹¹ Otuyambe eri omulabe: Kubanga obuyambi bw'abantu tebuliimu.

¹² Katonda ye anaatukozanga eby'obuzira: Kubanga oyo ye anaalinnyiriranga ku balabe baffe.